SJLAAGER 2018 - Vastelaovend in Zitterd 2018

Ga naar de inhoud

Hoofdmenu:

MEZIEK > SJLAAGER
VEER ZEEN ZITTERD
Vastelaovessjlaager 2018

Teks en Meziek: Ed Geilen – Petro Willems
Zangk: Gein haor baeter

Refrein:
Veer zeen Zitterd, veer zeen Zitterd
Veer zeen de luuj die d’r veur zörge
Dat get euverblif veur mörge
Veer zeen Zitterd, veer zeen Zitterd
V’r zörge dat de vastelaovend blif besjtaon

Koeplet 1:
Veer zeen de luuj die vruig beginne
11 November boete zinne
Bliej dat alles weier geit laeve in ós sjtad
V’r zeen de klubs die waages boewe
Greutsj mit opgesjtruipde moewe
Waeke lank höb veer de veursjpas al gehad
Es veer ’t neit meer doon wae deit ’t dan
Dus jederein fein mit doon es ’t effe kan

Koeplet 2:
Veer zeen de zaate hermeniekes
Es ’t ouch neit gans geliek is
Es de sjpas mer oet de träöt kump is ’t goud
V’r zeen de Prins en De Marotte
Bekker van de nonnevotte
Van die laammaekesj mit richtig Zittesj bloud
Es veer ’t neit meer doon is ’t gedaon
Dus laote veer dan same vlot de sjtraot op gaon.

Brök:
’t maak neit oet of’se in Zitterd bès gebaore,
’t maak neit oet wo dien weig haet gesjtaon
Es’se dien hart mer aan ós sjtèdje höbs verlaore
Dan zal de vastelaovend hie nog doezend jaor besjtaon
© WWW.VASTELAOVENDZITTERD.NL 2003-2018
© WWW.VASTELAOVENDZITTERD.NL 2003-2018
© WWW.VASTELAOVENDZITTERD.NL 2003-2018
Terug naar de inhoud | Terug naar het hoofdmenu