SJLAAGER 2014 - Vastelaovend in Zitterd 2017

Ga naar de inhoud

Hoofdmenu:

MEZIEK > SJLAAGER
ZITTERD DREET DOOR
Vastelaovessjlaager 2014

Teks en Meziek: Reinhard Wind
Zangk: Ron Hunnekens, Jan van Daal & Maike Frenken
 
Refrein:
Geit ’t rood gael gruin de lóch in
Vlug ’t pappegeike oet
Dan begint ’t hie te broesje
En blif geine in de boet
Sjoon verkleide door de sjtraote
De burgemeister es pestoor
Zitterd is niet meer te hawte
Zitterd dreet noe drie daag door

Koeplèt 1:
Meer es honderd jaor geleeje
Waare luuj van de sjimnas
Op ein goud idee gekómme
’t wurt tied veul lol en sjpas
En zo zeen zie toen gebaore
De Marotte zeen ontsjtaon
En nao twellef maol ellef jaore
Zeen zie niet meer weg te sjlaon
 
Koeplèt 2:
Neuge maonje is ’t aafzeen
Zónger Prins en Wieze Raod
Zónger sjoon verkleide maskes
Zónger optoch door de sjtraot
Mer d’n ellefde november
Is de sjoonste daag van ’t jaor
Wurt ’t nuut sezoen geäöpend
En dreet Zitterd weier door
 
Koeplèt 3:
Oppe Mert aangekómme
Heurt me euveral: kredju
Móste noe èns effe kieke
Al die sjoon verkleide luuj
Hermeniekes in de sjtraote
En de Prins dae geit ós veur
De Marotte oetgelaote
Jao gans Zitterd dreet gans door
Brök:
En sjteit dao ein te knieze
Wie ein zäödje langs de kantj
Numme veer häöm bie d’n erm
Door os prechtig Zittesj landj
Vastelaovessjlaager Zitterd 2014: Zitterd Dreet Door<br />laif op 't Zittesje Vastelaovesleedjes Konkour 2013-2014
© WWW.VASTELAOVENDZITTERD.NL 2003-2017
© WWW.VASTELAOVENDZITTERD.NL 2003-2017
© WWW.VASTELAOVENDZITTERD.NL 2003-2017
Terug naar de inhoud | Terug naar het hoofdmenu