SJLAAGER 2013 - Vastelaovend in Zitterd 2018

Ga naar de inhoud

Hoofdmenu:

MEZIEK > SJLAAGER
HÖBS DOE OUCH ZO'NE ZIN?
Vastelaovessjlaager 2013

Teks en Meziek: John Smeets en Gian Prince
Zangk: Cyrille Niel
 
’t Ganse jaor lank mòste wachte,
D’n tied dae vlug mer neit óm.
Mit de vastelaovend al in gedachte,
Heurs doe dae sjlaag op die tróm?
Dan sjtaon veer hie, zie aan zie
en sjókkele veer mit die prie.
Nemes hilt ós meer bie!
 
refrein:
Höbs doe ouch zo’ne zin óm te danse?
En kèns doe neit sjtil blieve sjtaon?
Höbs doe ouch dat gevuil óm te sjanse?
Dan kóm mit ós mit en laot gaon.
Mit die hendjes wènke en rammele mit die sjènke.
Veer sjtampe oppe maot, de klinkesj oet de sjtraot!
 
Dae Sinterklaos is al lang pleite,
De Krisman zeen veer al kwiet.
En de nuje prins dae löp al te zjweite,
Noe zeen veer bienao zowied…
Dan sjtaon veer hie,zie aan zie
en sjókkele veer mit die prie.
Nemes hilt òs meer bie!
 
D’n optoch vol patsje en vaere,
Kepèlkes trèkke al langs.
En veer gaon ós hie neit lang meer vervaele,
Alaaf,veer griepe ós kans.
Dan sjtaon veer hie,zie aan zie
En sjókkele veer mit die prie.
Nemes hilt òs meer bie!
Vastelaovessjlaager Zitterd 2013: Höbs doe ouch zo'ne zin?<br />LVK Finale 2013
© WWW.VASTELAOVENDZITTERD.NL 2003-2017
© WWW.VASTELAOVENDZITTERD.NL 2003-2017
© WWW.VASTELAOVENDZITTERD.NL 2003-2017
Terug naar de inhoud | Terug naar het hoofdmenu