SJLAAGER 1999 - Vastelaovend in Zitterd 2018

Ga naar de inhoud

Hoofdmenu:

MEZIEK > SJLAAGER
MIENE REBBEDEP
Vastelaovessjlaager 1999

Teks en Meziek: Marc Webers & Thei Wessels
Zangk: Leon Beursgens en Geert Cremers

Ich sjtòng in ein kefeeke en kreeg ein leuk ideeke.
Ich wòl gein water en gouf eine veur de tent.
Doe reipe alle gaste: "Raste doon veer mit vaste".
Dat kosde later mich dus eine leive sent ...

Refrein:
Dat ben ich mit miene rebbedep, och, hòlj ich mer èns de sjnep.
Dat ben ich mit miene rebbedep, mer dae is noe einmaol opgepep.
Wooròm hauwt ich neit de sjnebbel toew ?
Wooròm deit die moel dat noe ?
Es ich mich rep, dan geit die klep, van miene rebbedebedep.


Ich dach: "Doe kèns waal blaoze, op zo'ne klòmmel raoze,
effe get sjtampe en dan drie daag vol gaas".
Mer dat höb ich geweite: zjweite en niks geneite.
Ich kreeg de krampe van de kin pès aan de naas ...

Lèts sjtòng ich get te sjanse, zie vroug: "Zègk, wilste danse ?"
Mer dat is baale, este daovan gaar niks kèns.
Toch hòng ich aan häör luppe, huppelde oppe tuppe,
van häör sandaale en doe dach ich mich opèns ...

Vastelaovessjlaager Zitterd 1999: Miene Rebbedep
© WWW.VASTELAOVENDZITTERD.NL 2003-2017
© WWW.VASTELAOVENDZITTERD.NL 2003-2017
© WWW.VASTELAOVENDZITTERD.NL 2003-2017
Terug naar de inhoud | Terug naar het hoofdmenu