NUUTS EUVERZICH OPTOCHTE - Vastelaovend in Zitterd 2017

Ga naar de inhoud

Hoofdmenu:

NUUTS > TAGS
FOTOALBUM GROOTE VASTELAOVESOPTOCH
Aafgeloupe zondig trok de Groote Vastelaovesoptoch door de Zittesje sjtraote. Eine sjitterende en kleurrieke optoch trok aan de doezende luuj langs de kantje veurbie mit groote waages vol bewaeging, kolderieke groppe en enkelinge vol aktualiteit. Sjtadsprins Bart II sjloot de Optoch aaf en sjmeet doezende appelesiene oet.  [FOTO'S]
Geplaatsj: 28 Fibberwarie 2017
OETSJLAAG GROOTE VASTELAOVESOPTOCH
Nao aafloup van de Optoch zeen de Prieze oetreik. De Ere Prieze ginge nao buurt Sjteivig (Groote Waages), Sjnaake (Midde Waages), Ummer Naat (Groote Groppe), Veer doon 't gaer (Midde Groppe), 't Mert Volk (Klein Groppe), Marie-José en Philline (Köppelkes) en Frank Braam (Enkelinge)
Geplaatsj: 27 Fibberwarie 2017
PRIMEUR: PRINSE 'GROOT ZITTERD' ÄÖPENE DE OPTOCH
Dit jaor haet de Groote Zittesje Vastelaovesoptoch eine primeur! In ’t verleje waar ’t ein gebroek dat allein de Sjtadsprins ‘in vol ornaat’ mit trok in de Groote optoch. Dit jaor äöpene de Prinse van Vastelaovesvereiniginge oet ‘Groot-Zitterd’ de Groote Optoch vanaaf de äöpeningswaage.
Geplaatsj: 24 Fibberwarie 2017
GROOTE ZITTESJE VASTELAOVESOPTOCH
Op Vastelaoveszondig 26 Fibberwarie trek de Groote Vastelaoves Optoch door de sjtraote van de Zittesje bènnesjtad. De doezende luuj langs de kantj kenne geneite van de veur Zitterd bekende Groote Waages, groppe, humorvolle einzelgänger, hermenieje en nog väöl mee. Nao aafloup is op de Mert meziek van eine DJ en waere rondj 18.00oer de Pries bekend gemaak.
Geplaatsj: 23 Fibberwarie 2017
GROOTE VASTELAOVESOPTOCH OP SJTART TV
De Groote Zittesje Vastelaovesoptoch zal dit jaor door Sjtreekomroup Sjtart op TV waere oetgezonje. Oetzendtieje: Vastelaoveszondig vanaaf 15.00oer LAIF, Vastelaovesmaondig om 18.00oer en Gounsdig 1 Meert om 17.00oer. Op Vriedig 24 Fibberwarie wurt om 18.00oer de Kènjeroptoch oetgezonje.
Geplaatsj: 22 Fibberwarie 2017
OETSJLAAG KÈNJEROPTOCH
De zjurie haet nao aafloup van de Kènjeroptoch de prieze bekend gemaak. De Ere Wimpel ging bie de groote groppe nao BS Loedoes mit 't Emoticon virus. Bie de klein groppe ging de Ere Wimpel nao Toon Thuis wegens succes verlengd en bie de enkelinge/köppelkes nao Optoch loupe, de kènjer zeen ‘t neit zitte. De Pries veur 't sjoonste kèrke ging nao de grop Wae oh Wae.
Geplaatsj: 20 Fibberwarie 2017
DE KÈNJEROPTOCH TROK DOOR ZITTERD
Vanmiddig trok eine kleurrieke kènjeroptoch door de sjtraote van de Zittesje bènnesjtad. Grote groppe van sjole mit soms mee es 100 deilnummesj, mer ouch de humorvolle kleine groppe en enkelinge. De jeugde waageboewesj trokke greutsj mit hun eige gemaakte 'kèrkes' door de sjtraote. Eine sjtraolende Sjtadsprins Bart II maakte ziene intoch in 't Marotteriek.
Geplaatsj: 19 Fibberwarie 2017
DE KÈNJEROPTOCH TRÈK DOOR ZITTERD
Zondig 19 Fibberwarie trèk de KenjerOptoch door de sjtraote van Zitterd. De doezende luuj langs de kantj kènne geneite van grote groppe van sjole mit soms mee es honderd deilnummesj, mer ouch klein groppe van kenjer en humorvolle enkelinge. ‘T Letste gedeilte van de Kenjeroptoch is de intoch van Sjtadsprins Bart II.
Geplaatsj: 16 Fibberwarie 2017
OPTOCHKOMMITEE ZUIK INFERMASE VAN DEILNUMMESJ AAN DE KÉNJEROPTOCH
Al is veuraaf aanmelje veur deilname aan de kènjeroptoch neit verplich, toch haet ’t Optochkommitee ’t verzuik aan de deilnummesj om zich veuraaf aan te melje. Op dees menneier höbbe zie al de neudige infermase veur de versjlaaggaevesj.
Geplaatsj: 14 Fibberwarie 2017
BASISSJOOL AAN DE MEULE IS ‘OPPE TIED’
In November waar de suksesvolle Zittesje revuu ‘Oppe Tied’. De neuge veursjtellinge zörgde neit allein veur oetverkochtezale, mer zörgde taeves veur väöl insperase bie de deilnummesj aan de Optochte. Ein van de deilnummesj aan de kènjeroptoch die zich leite inspereiere door 'Oppe tied' is basissjool Aan de Meule.
Geplaatsj: 14 Fibberwarie 2017
OPTOCHDEILNUMMESJ VERGADERING
't Optoch Kommitee Zitterd organizeiert op vriedig 20 Jannewarie e.k. ‘Op de Sjans’ in de Zittesje Optochhal ein vergadering veur alle deilnummesj aan de optochte. 't OKZ wilt mit dees vergadering de deilnummesj infermeiere euver alle zake mit betrèkking tot de Optochte. Insjrieve veur deilname aan de optochte geit vanaaf dit jaor via ein nuut insjriefsysteem dat volledig digitaal is.
Geplaatsj: 19 December 2016
JEUGDIGE WAAGEBOEWESJ VEUR DE KENJEROPTOCH GEZOCH
Aafgeloupje jaor is in de kénjeroptoch veur de eesjte keer eine sjpisjale pries oetgereik aan de deilnummer mit ’t sjoonste ‘kerke’, om kénjer te sjtimuleiere om ‘kerkes’ te boewe es opsjtap nao ’t boewe aan de 'groote' waages. Dit inisjatief wurt dit jaor oetgebreid mit wirkmiddige wo de kénjer boewe aan de 'kerkes' onger begeleiding van ervare waageboewesj.
Geplaatsj: 01 December 2016
OETSJLAAG GROOTE VASTELAOVESOPTOCH 2016
De Oetsjlaag van de Groote Vastelaovesoptoch 2016, Eere Prieze: Buurt Sjteivig ‘In Zitterd kump weier laeve in de broewerie’ (Groote waages),  Klup de Sjnaake ‘Riddesj van de Pappegey’ (Midde waages), kapel Noots Biejein (groote groppe), Veer door ‘t Gaer (midde groppe), ‘t Mertvolk (klein groppe), Marie-José en Philine (Köppelkes) en Lei Cremers (Einzelgänger).
Geplaatsj: 8 Fibberwarie 2016
FOTO’S VAN DE GROOTE VASTELAOVESOPTOCH 2016
Ein kleurrieke en sjitterende optoch trok gistere door de Zittesje sjtraote. Nao get raege in de mörge bleef ‘t onger de optoch, op ein korte raege buuj nao, dreug. De doezende luuj langs de kantj koosje geneite van de prach en praal van de Groote waages, groppe en humorvolle einzelgänger.
Geplaatsj: 8 Fibberwarie 2016
EINE KLEURRIEKE KÈNJEROPTOCH TROK DOOR ZITTERD
Ein kleurrieke en sjoone Kenjeroptoch trok vanmiddig door de straote van Zitterd. ‘T waas get fris mèr gelukkig waal bekans de ganse optoch dreug. Doezende luuj hawwe weier de waeg nao Zitterd gevonje om te geneite van de groppe, enkelinge en de meziek. Aan ‘t enj van de Kènjeroptoch maakte Sjtadsprins Sander I ziene grandijooze intoch in ‘t Marotteriek.
Geplaatsj: 31 Jannewarie 2016
© WWW.VASTELAOVENDZITTERD.NL 2003-2017
© WWW.VASTELAOVENDZITTERD.NL 2003-2017
© WWW.VASTELAOVENDZITTERD.NL 2003-2017
Terug naar de inhoud | Terug naar het hoofdmenu