NUUTS EUVERZICH MEZIEK - Vastelaovend in Zitterd 2017

Ga naar de inhoud

Hoofdmenu:

NUUTS > TAGS
VASTELAOVESSJLAAGER 2018: 'VEER ZEEN ZITTERD'
In ein vol Poppodium Volt waar gisteraovend 't Zittesje Vastelaovesleedjes Konkour 2017-2018. Pés de nuuje Zittesje sjlaager is door de vak- en pebliekzjurie gekaoze 't leidje 'Veer zeen Zitterd' gesjreve door Ed Geilen en Petro Willems. De nuuje sjlaager wurt gezonge door Ed en Petro es 't duo Gein Haor Baeter.
Geplaatsj: 27 Augustus 2017
VERKEIZING ZITTESJE VASTELAOVESSJLAAGER 2018
Op Zaoterdig 26 augustus e.k. is ’t Zittesj vastelaovesleidjes Konkour en wurt de nuuje Zittesje Vastelaovessjlaager veur Vastelaovessezoen 2017-2018 gekaoze. De lokase is ouch dit jaor weier Poppodium VOLT! aan de Odasingel. De zaal is geäöpent vanaaf 19.33 oer en de verkeizing begint om 20.33 oer.
Geplaatsj: 4 Augustus 2017
FINALISTE ZITTESJE VASTELAOVES SJLAAGER 2018
In 't Marottelokaal is gisteraovend, 26 juni, de veurseleksie gewaes veur de Zittesje Vastelaovessjaager 2017-2018. Oet 14 ingezonje leidjes haet de oet 23 lede besjtaonde zjurie de 11 finaliste gekaoze die op zaoterdig 26 augustus in de finale van 't Zittesj Vastelaovesleidjes Konkour sjtaon in Poppodium Volt.
Geplaatsj: 27 Juni 2017
WAE SJRIF DE VASTELAOVES SJLAAGER 2018??
De Marotte roupe bie deze alle sjrievesj en kompeniste op om leidjes in de sjikke veur de Vastelaovessjlaager 2018. Insjikke van leidjes veur de verkeizing van de Vastelaovessjlaager 2017-2018 kènt pes maondig 5 Juni e.k. 't Zittesj VastelaovesleidjesKonkour 2018 is op Zaoterdig 26 Augustus e.k. in Poppodium Volt.
Geplaatsj: 27 Mei 2017
DRIEDE PLAATSJ VEUR DE SJTADSSJOOL OP 'T KVL
In Eygelshaove waas vanmiddig de finale van 't Kinjer Vastelaovend Leedjesfestival (KVL). In de finale sjtonge twee Zittesje sjoole. BS de Hoefer behaolde mit ’t Marotte kénjerleidje ‘Oppe Tied’ ein gedeilde 4e plaatsj en OBS De Sjtadssjool Zitterd eindigde mit ‘Vastelaovend, dat is Kikke!’ op ein sjoon 3e plaatsj.
Geplaatsj: 05 Fibberwarie 2017
FINALE KINJER VASTELAOVEND LEEDJESFESTIVAL
Zondig 5 Fibberwarie is de finale van 't Kinjer Vastelaovend Leedjesfestival. ’t KVL is ’t Vastelaovesleidjes Konkour veur kenjer van de basissjoole. Bie de 11 finaliste zeen twee Zittesje sjoole: OBS De Sjtadssjool mit ‘Vastelaovend, dat is Kikke’ en BS de Hoefer mit ’t Marotte kénjerleidje ‘Oppe Tied’.
Geplaatsj: 02 Fibberwarie 2017
VASTELAOVESSJLAAGESJ NOE OUCH DIGITAAL VERKRIEGBAAR VIA ITUNES
Stadscarnavalsvereniging De Marotte Zitterd brèngk al jaorelangk de Zittesje Vastelaovesmeziek oet op geluidsdragesj. Van de LP’s en cassettebendjes pés noe de CD’s. Vanaaf noe zeen de Marotte CD 2017 en de sjlaagesj van de aafgeloupe 11 jaor ouch digitaal verkriegbaar via iTunes Store en Apple Music.
Geplaatsj: 25 Jannewarie 2017
MAROTTE KENJER VASTELAOVESLEIDJE 'OPPE TIED'
Jaorliks zette de Marotte ein Kenjer Vastelaovesleidje op de CD van ’t sezoen. Dit leidje wurt jeederjaor door ein angere Zittesje basissjool gezonge en gesjreve door eine angere componis.
’t Kenjervastelaovesleidje van dit jaor ‘Oppe Tied’ is gesjreve door Marlou Obers en wurt gezonge door kenjer van Basissjool De Hoefer Zitterd.
Geplaatsj: 20 Jannewarie 2017
ZITTESJE LEIDJES DOOR NAO ’T LVK 2017
Op L1 zeen de 60 leidjes bekend gemaak die door zeen nao de hauf finales van ’t LVK2017. Bie dees 60 leidjes zeen twee Zittesje leidjes: Bart & Lejao mit de Zittesje Vastelaovessjlaager 2017 ‘Wae oh Wae’ (teks en meziek: Sjohn Smeets & Gian Prince) en Paul-Jean Jessen mit ’t Vuur van Vastelaovend’.
Geplaatsj: 19 December 2016
DE NUUJE MAROTTE CD ‘WAE OH WAE’ TE KOUP
Jaorliks brènge de Marotte Zitterd ein nuuj Vastelaoves CD oet mit dao-op de nuuje Vastelaovessjlaagesj van ’t sezoen. Op de CD sjtaon de nömmesj ein pés zös van ’t Zittesj Vastelaovesleidjes Konkour mit de sjlaager ‘Wae of Wae’. Wiejer 't Kénjerleidje 'Oppe Tied' gezonge door kenjer van BS de Hoefer en veur de eesjte keer ein Tienerleidje, dat wurt gezonge door Lisa Schiffler.
Geplaatsj: 30 November 2016
LISA MIT 'T MAROTTE TIENERLEIDJE IN DE TVK FINALE
Gisteraovend waar in Dieteren de TVK-Workshop (veurronje) en woorte door de zjurie de finaliste gekaoze van 't TVK 2017, 't LVK veur de tienesj. Nao aafloup zeen door de zjurie 14 finaliste bekend gemaak. Names Zitterd haet Lisa mit 't allereesjte Marotte Tienerleidje ooit ein plaatsj in de finale wiete te behaole.
Geplaatsj: 27 November 2016
TWEE ZITTESJE SJOOLE NAO DE FINALE VAN 'T KVL
In Poppodium Volt is de eesjte veurronje gewaes van 't Kinjer Vastelaovend Leedjesfestival (KVL). Nao de optraejes van de 10 deilnummesj zeen door de zjurie de eesjte 3 finaliste bekend gemaak. Dao bie twee Zittesje sjole: BS de Hoefer mit 't Marotte Kenjerleidje 'Oppe Tied' en OBS de Sjtadssjool mit 'Vastelaovend, det is Kikke'.
Geplaatsj: 20 November 2016
VASTELAOVESSJLAAGER 2017: 'WAE OH WAE'
In ein vol Poppodium Volt is de Zittesje vastelaovessjlaager 2017 gekaoze. Nao ’t telle van de sjtömme kwaam es winnaer nao veure ‘Wae oh Wae’ gesjreve door Sjohn Smeets en Gian Prince. De nuuje sjlaager wurt gezonge door ’t duo Bart Barrios en Lejao Beursgens.
Geplaatsj: 11 September 2016
© WWW.VASTELAOVENDZITTERD.NL 2003-2017
© WWW.VASTELAOVENDZITTERD.NL 2003-2017
© WWW.VASTELAOVENDZITTERD.NL 2003-2017
Terug naar de inhoud | Terug naar het hoofdmenu