NUUTS EUVERZICH VAN DE VASTELAOVES 6-DAAGSE - Vastelaovend in Zitterd 2018

Ga naar de inhoud

Hoofdmenu:

NUUTS > TAGS
VASTELAOVESMAONDIG TRÖÖTEKONKOUR
Vastelaovesmaondig klinke de klanke van de zaatehermeniekes bie ’t tröötekonkour en is 't weier 'Trööt veer op die trööt'. De Zittesje kapelle en zaate hermeniekes laote de Vastelaovesklanke klinke vanaaf de mert, bie de Sjtadspomp (kafee De Kup), in de Helsjtraot bie 't Duvelke en op ’t Kirkplien bie 't Sjterfhoes.
Geplaatsj: 10 Fibberwarie 2018
VASTELAOVESZONDIG: GROOTE VASTELAOVESOPTOCH
Op Vastelaoveszondig trek de Groote Vastelaoves Optoch door de sjtraote van Zitterd. De doezende luuj langs de kantj kènne geneite van de veur Zitterd bekende Groote Waages, groppe, meziek en humorvolle köppelkes en einzelgänger. Nao aafloup van de optoch waere op de mert de prieze oetgereik.
Geplaatsj: 8 Fibberwarie 2018
‘T KANON VAN ‘T BALKON, VASTELAOVEND IN DE PUURSTE VORM!
Op Vastelaoveszaoterdig wurt de Zittesje Vastelaovend geäöpent mit ’t Kanon van ’t Balkon. Tössje 16.33 en 00.33 oer prizzenteiert Sjtadskapel ’t Trumke en ’t Tröötje ein bondj pregram mit optaejes van oa Zittesje Zengesj, Trööt in de Gööt, Beppie Kraft, Erwin, Ronald & Carien, Big Benny, Katja Henz, Don Kiesjot en Kartoesj.
Geplaatsj: 7 Fibberwarie 2018
VASTELAOVEND MIT DE MAROTTEKAPEL
De Marottekapel verzörg tradisjoneel de muzikaal omliesting bie de Marotte zittinge. Ouch mit de Vastelaovesdaag leet De Marottekapel van zich heure. Op de donderdig veur de Vastelaovend hawte zie in kafee ’t Duvelke ’t Auw Wieverkonzèr. Wiejer is De Marottekapel te heure op ’t Kanon van ’t Balkon.
Geplaatsj: 7 Fibberwarie 2018
SJOLIERE VASTELAOVEND
De vriedig veur de Vastelaovend (9 Fibberwarie) sjtruimp de Mert weier vol mit doezende sjoliere oet Zitterd en omgaeving om de vastelaovend in te loewe. Veur de sjoliere wurt ein bontj pregram geprizzenteiert mit oa DJ Jeroen Laven, de band Hard2Get, Big Benny en Heite Soep.
Geplaatsj: 6 Fibberwarie 2018
DE NACH VAN ’T AUWT WIEF
De Donderdig veur de Vastelaovend is tradisjoneel de daag van de Auw Wiever. Dees sjlachtende maskes zeen saoves in en rondj de zittesje kaffees te venje. Op en rondj de Mert organezeiere de Neit Prinse weier de nach van ‘t Auwt Wief en ontvange zie de Auw Wiever mit de neudige hilariteit en Zittesje Laammaekerie.
Geplaatsj: 5 Fibberwarie 2018
VASTELAOVESDAENSDIG IN EIN NUUT JESKE
Vastelaovesdaendig is tradisjoneel de daag van ’t Appelesienesjmiete. Dit jaor wurt dees jaorelange tradiese versjterk mit hedendaagde aktiviteite. Zo zal op de Mert eine DJ zörge veur Vastelaovesmeziek, zeen d'r optraës en versjèllende aktiviteite. Grootste verangering is 't Maske Begrave dat dit jaor eine gans nuuje opzèt zal kriege.
Geplaatsj: 1 Fibberwarie 2018
PREGRAM KANON VAN ’T BALKON BEKEND GEMAAK
Mit nog ruum 3 wake pés de Vastelaovend haet  Sjtadskapel ’t Trumke en ’t Tröötje ’t pregram bekend gemaak veur de 15e edisie van ’t kanon van ’t Balkon. Optraë zulle zo'n 80 artiste mit o.a. Beppie Kraft, Erwin, Kartoesj, Big Benny, Katja, Ronald & Carien, Don Kiesjot, Joekskapel Kiek Mér en Trööt in de Gööt.
Geplaatsj: 17 Jannewarie 2018
VASTELAOVESDAENDIG: APPELESIENESJMIETE
Vastelaovesdaendig is ’t weier tied veur ein van de auwste Zittesje tradisies ’t Appelesienesjmiete. Verkleide maskes es ‘hoeraes’ trekke door de sjtraote om appelsiene te sjmiete nao de kenjer. in kaffee Dwaesj op de Sjtaasedwaesjsjtraot is ein muzikale Vastelaovesmiddig mit artieste.
Geplaatsj: 24 Fibberwarie 2017
VASTELAOVESMAONDIG TRÖÖTEKONKOUR
Vastelaovesmaondig, 27 Fibberwarie, is tradisjoneel de daag van de Zittesje kapelle en zaate Hermeniekes. De kapelle trekke door de bènnesjtad en sjpele op podiums op de Mert, bie de Sjtadspomp oppe Lömmerichersjtraot (bie kafee de Kup) en op ’t Kirkplien bie kafee ’t Sjterfhoes.
Geplaatsj: 24 Fibberwarie 2017
GROOTE ZITTESJE VASTELAOVESOPTOCH
Op Vastelaoveszondig 26 Fibberwarie trek de Groote Vastelaoves Optoch door de sjtraote van de Zittesje bènnesjtad. De doezende luuj langs de kantj kenne geneite van de veur Zitterd bekende Groote Waages, groppe, humorvolle einzelgänger, hermenieje en nog väöl mee. Nao aafloup is op de Mert meziek van eine DJ en waere rondj 18.00oer de Pries bekend gemaak.
Geplaatsj: 23 Fibberwarie 2017
‘T KANON VAN ‘T BALKON ÄÖPENT DE ZITTESJE VASTELAOVEND
Op Vastelaoveszaoterdig wurt de Zittesje Vastelaovend geäöpent mit ’t Kanon van ’t Balkon. Tössje 16.33 en 00.33 oer prizzenteiert Sjtadskapel ’t Trumke en ’t Tröötje ein pregram mit optraejes van oa Zittesje Zengesj, Trööt in de Gööt, Don Kiesjot, De Geliënde, Marleen Rutten, Katja, Fabrizio, W-Dreej en Beppie Kraft.
Geplaatsj: 21 Fibberwarie 2017
SJOLIERE VASTELAOVEND
De vriedig veur de Vastelaovend (24 Fibberwarie) sjtruimp de Mert weier vol mit doezende sjoliere oet Zitterd en omgaeving om de vastelaovend in te loewe. Veur de sjoliere wurt ein bontj pregram geprizzenteiert mit oa DJ Jeroen Laven, coverformasie Noizz, Wir Sind Spitze, SieFoe en de twee-voudig LVK-wennesj Spik & Span.
Geplaatsj: 22 Fibberwarie 2017
DE NACH VAN ’T AUWT WIEF
De Donderdig veur de Vastelaovend is tradisjoneel de daag van de Auw Wiever. Dees sjlachtende maskes zeen saoves weier in en rondj de zittesje kaffees te venje. Op en rondj de Mert organezeiert de Neit Prinse weier de nach van ‘t Zittesj Auwt Wief. Zie ontvange de Auw Wiever mit de neudige hilariteit, ‘sjaele zeiver’ en Zittesje Laammaekerie.
Geplaatsj: 21 Fibberwarie 2017
VASTELAOVESKONZÈRS VAN DE MAROTTEKAPEL
Nao ‘t muzikaal oploestere van de Marotte zittinge organizeiert de Marottekapel mit de Vastelaovend weier häör tradisjoneel konzèrs. Op de donderdig veur de Vastelaovend is dat 't Auw Wieverkonzèr en op Vastelaovesmaondig 't tradisjoneel Laammaekesjkonzèr. De konzèrs zeen in kafee 't Duvelke aan de Helsjtraot.
Geplaatsj: 20 Fibberwarie 2017
PREGRAM KANON VAN ’T BALKON 2017
Mit nog precies 3 maondj pés Vastelaoveszaoterdig haet Sjtadskapel ’t Trumke en ’t Tröötje ’t pregram bekend gemaakvan ’t kanon van ’t Balkon. Ouch dit jaor belaof ’t weier ein bomvol pregram mit Zittesje zengesj en topartieste oet gans Limburg es Beppie Kraft, Don Kiesjot, W-Dreej, Katja, Marleen Rutten Fabrizio, Trööt in de Gööt, Toddezek en Spik & Span.
Geplaatsj: 25 November 2016
© WWW.VASTELAOVENDZITTERD.NL 2003-2018
© WWW.VASTELAOVENDZITTERD.NL 2003-2018
© WWW.VASTELAOVENDZITTERD.NL 2003-2018
Terug naar de inhoud | Terug naar het hoofdmenu