NUUTS EUVERZICH SEZOEN 2017-2018, PAGINA 5 - Vastelaovend in Zitterd 2018

Ga naar de inhoud

Hoofdmenu:

NUUTS > TAGS > nuuts_2018
VEURVERKOUP KAARTE VEUR DE VROULUUJZITTING
Op zondig 14 Jannewarie is in de Fanfaarzaal van Sint Jan Leijebrouk de Vrouluujzitting van de Flanelle Lepkes, dit jaor mit es thema ‘FlinkPop’. De veurverkoup van de kaarte veur de vrouluujzitting is op zondig 17 December om 14.00oer bie Kafee Ich&Dich op de Mert. Wae ‘t eesj kump haet ouch es eestje rech op kaarte!!
Geplaatsj: 14 December 2017
DE MAROTTEWINKEL ÄÖPENT WEIER DE DEURE
Op zaoterdig 16 December äöpene de Marotte weier hunne eige winkel. Deze door vriewilligesj gerunde winkel is te venje in de modezaak Van Neer Eijckeler, Brandjstraot 11 in Zitterd. Äöpeningstieje: Zaoterdig tössje 10.00 en 17.00oer, Donderdig tössje 10.00 en 14.00oer en Koupzondig tössje 12.00 en 17.00oer.
Geplaatsj: 13 December 2017
DE MAROTTE OP ZUIK NAO ‘NUUTS’ VEUR DE PAPPEGEY
Op 31 Jannewarie versjient de 137e edisie van ‘De Pappegey’ ’t jaor- en kolderblaad van Sjtadsvastelaovesvereiniging De Marotte Zitterd. Ouch dit jaor zal de Pappegey weier versjiene in de vorm van eine glossy. De redaksie is op zuik nao ‘nuuts’ veur in dees edisie en vreug dao bie ouch eur hulp.
Geplaatsj: 8 December 2017
ZITTESJE FINALISTE BIE ’T KVL EN TVK
Aafgeloupe zondig, 26 November, ware de hauf-finales/veurronjes van ’t Kinger Vastelaovesleedjes Festival (KVL) en ‘t Tiener Vastelaovesleedjes Konkour (TVK). Bie allebei dees hauf-finales ware Zittesje deilnummesj prezent en zeen d'r finale plaatsje veur OBS de Sjtadssjool (KVL) en Sterre Cuypers (TVK).
Geplaatsj: 27 November 2017
ZITTESJ DEILNUMMESJ IN HAUF-FINALE KVL EN VEURRONJE TVK
Zondig 26 November e.k. is 2e hauf-finale van ’t Kinger Vastelaovesleedjes Festival (KVL) en de veurronje van ’t Tiener Vastelaovesleedjes Konkour (TVK). In dees hauf-finale van 't KVL zeen twee Zittesje deilnummesj: OBS de Sjtadssjool en BS Euverhaove. Aan 't TVK zal Sterre Cuypers deilnumme mit 't Marotte Tienerleidje.
Geplaatsj: 25 November 2017
OPTOCHKOMMITEE OPZUIK NAO JEUGDIGE WAAGEBOEWESJ
Aafgeloupe jaor is ’t Optoch Kommitee gesjtart mit ‘t ‘Kerkes’ projek mit es doel om de jeug te sjtimuleiere om ‘kerkes’ (mini waages) te boewe veur de optoch. Dit projek waar veurigjaor ein groot sukses en krig dit jaor dan ouch ein vervolg. Jeugdige 'waageboewesj' kenne zich aanmelje om onger begeleiding aan ein eige 'kerke' te boewe veur de kénjeroptoch.
Geplaatsj: 21 November 2017
DE NUUJE MAROTTE CD ‘VEER ZEEN ZITTERD’
Jaorliks brènge de Marotte Zitterd ein Vastelaoves CD oet mit dao op de nuuje Vastelaovessjlaagesj van ’t sezoen. Dit jaor wurt de Marotte CD kolleksie aangevuld mit ‘t 29e sjiefke mit es tittel ‘Veer zeen Zitterd’, vernuimp nao de sjlaager van dit jaor. Op de CD sjtaon de nömmesj 1 pés 6 van 't ZVK en wiejer 't nuuj Marotte Tiener- en Kénjerleidje.
Geplaatsj: 14 November 2017
DE NUUJE GREUTSJE PIN IS GEPRIZZENTEIERT
Op de 11de van de 11de haet Klup Kump Gout veur veufde maol de Greutsje Pin geprizzenteiert. De Greutsje Pin is ontworpe door Marc Webers van Studio MarQ en haet ein oplage van 2500 sjtöks. De pries is wie gebroekelikke €5,-, mit 't koupe van de Greutsje Pin ongersjteund me de Zittesje Vastelaovend.
Geplaatsj: 12 November 2017
11-11: ÄÖPENING VAN 'T VASTELAOVESSEZOEN
Op de 11de van de 11de äöpende De Marotte 't Vastelaovessezoen vanaaf 18.30 oer op 't Kloosterplien. Op 't pregram sjtaon ein aantal offisjeel momente, de prizzentase van de nuuj Marotte CD en optraës van oa Cyrille Niël, Bart & Lejao, TisNiksentWurkNiks en de LVK 2017 wennesj De Geliënde.
Geplaatsj: 6 November 2017
ALTERNATIEF SJÖTTEFEES
Zondig 3 September is weier 't Alternaitef Sjöttefees. De deilnummende Alternatieve Sjötterieje verzamele zich vanaaf 13.00oer op Cour Solauns veur 't defilé, de optoch en 't sjeite. Op zaoterdigaovend 2 september organizeiere De Kroenekrane ter eere van hunne Keizer Jacques Schrijen ’t Keizesjfees 'Tirolerfest'.
Geplaatsj: 31 Augustus 2017
© WWW.VASTELAOVENDZITTERD.NL 2003-2018
© WWW.VASTELAOVENDZITTERD.NL 2003-2018
© WWW.VASTELAOVENDZITTERD.NL 2003-2018
Terug naar de inhoud | Terug naar het hoofdmenu