NUUTS EUVERZICH SEZOEN 2017-2018, PAGINA 4 - Vastelaovend in Zitterd 2018

Ga naar de inhoud

Hoofdmenu:

NUUTS > TAGS > nuuts_2018
OETRUIPINGSZITTING SJTADSPRINS 2018
Op Zaoterig 6 Jannewarie vanaaf 20.11oer is in ’t Forum Theater de oetruipingszitting van Sjtadsvastelaovesvereiniging De Marotte Zitterd mit de bekendmaking van de Sjtadsprins 2018. Eine aovend mit offesjeel momente, meziek, kolder en protocol. De zaal is vanaaf 19.30oer geäöpend.
Geplaatsj: 3 Jannewarie 2018
AANMELJE VEUR DEILNAME AAN DE OPTOCHTE
Jeederein dae wilt mittrekke in de Groote Optoch mot zich veur deilname aanmelje bie ’t Optochkommitee. Aafgeloupe jaor haet 't Optochkommitee ein Digitaal insjriefsysteem  geintroduseiert, via dit systeem is ’t muigelik om uch in drie sjtappe aan te melje veur deilname. Aanmelje is muigelik pes gounsdig 7 Fibberwari.
Geplaatsj: 3 Jannewarie 2018/ Update: 30 jannewarie 2018
LUC JACOBS (22) NUUJE COMMANDANT VAN DE PRINSEGARDE
Offesjeel is hae al versjéllende maondje in funksie, mer vanaaf de 11de van de 11de maag jeederein ’t weite dat Luc Jacobs de opvolger is gewore van Peter Jamar es commandant van de Prinse Garde Zitterd. De 22 jaorige Luc is op dit moment 't langste van allemaol lid van de Prinsegarde.
Geplaatsj: 29 December 2017
ZITTESJE LEIDJES IN DE HAUF FINALES VAN ’T LVK 2018
In ’t pregram ‘Plat Eweg’ op L1-Radio zeen de 60 leidjes bekend gemaak die door zeen nao de hauf finales van ’t LVK2018. Bie dees leidjes zeen twee Zittesje leidjes: Paul-Jean Jessen mit ’t door Thei Wessels gesjreve ‘Moele doon ze toch’ en ’t duo Sjtóm Toeval mit ’t door Ger Muijrers gesjreve ‘Mos doe neit eine gaeve’.
Geplaatsj: 18 December 2017
VEURVERKOUP KAARTE VEUR DE VROULUUJZITTING
Op zondig 14 Jannewarie is in de Fanfaarzaal van Sint Jan Leijebrouk de Vrouluujzitting van de Flanelle Lepkes, dit jaor mit es thema ‘FlinkPop’. De veurverkoup van de kaarte veur de vrouluujzitting is op zondig 17 December om 14.00oer bie Kafee Ich&Dich op de Mert. Wae ‘t eesj kump haet ouch es eestje rech op kaarte!!
Geplaatsj: 14 December 2017
DE MAROTTEWINKEL ÄÖPENT WEIER DE DEURE
Op zaoterdig 16 December äöpene de Marotte weier hunne eige winkel. Deze door vriewilligesj gerunde winkel is te venje in de modezaak Van Neer Eijckeler, Brandjstraot 11 in Zitterd. Äöpeningstieje: Zaoterdig tössje 10.00 en 17.00oer, Donderdig tössje 10.00 en 14.00oer en Koupzondig tössje 12.00 en 17.00oer.
Geplaatsj: 13 December 2017
DE MAROTTE OP ZUIK NAO ‘NUUTS’ VEUR DE PAPPEGEY
Op 31 Jannewarie versjient de 137e edisie van ‘De Pappegey’ ’t jaor- en kolderblaad van Sjtadsvastelaovesvereiniging De Marotte Zitterd. Ouch dit jaor zal de Pappegey weier versjiene in de vorm van eine glossy. De redaksie is op zuik nao ‘nuuts’ veur in dees edisie en vreug dao bie ouch eur hulp.
Geplaatsj: 8 December 2017
ZITTESJE FINALISTE BIE ’T KVL EN TVK
Aafgeloupe zondig, 26 November, ware de hauf-finales/veurronjes van ’t Kinger Vastelaovesleedjes Festival (KVL) en ‘t Tiener Vastelaovesleedjes Konkour (TVK). Bie allebei dees hauf-finales ware Zittesje deilnummesj prezent en zeen d'r finale plaatsje veur OBS de Sjtadssjool (KVL) en Sterre Cuypers (TVK).
Geplaatsj: 27 November 2017
ZITTESJ DEILNUMMESJ IN HAUF-FINALE KVL EN VEURRONJE TVK
Zondig 26 November e.k. is 2e hauf-finale van ’t Kinger Vastelaovesleedjes Festival (KVL) en de veurronje van ’t Tiener Vastelaovesleedjes Konkour (TVK). In dees hauf-finale van 't KVL zeen twee Zittesje deilnummesj: OBS de Sjtadssjool en BS Euverhaove. Aan 't TVK zal Sterre Cuypers deilnumme mit 't Marotte Tienerleidje.
Geplaatsj: 25 November 2017
OPTOCHKOMMITEE OPZUIK NAO JEUGDIGE WAAGEBOEWESJ
Aafgeloupe jaor is ’t Optoch Kommitee gesjtart mit ‘t ‘Kerkes’ projek mit es doel om de jeug te sjtimuleiere om ‘kerkes’ (mini waages) te boewe veur de optoch. Dit projek waar veurigjaor ein groot sukses en krig dit jaor dan ouch ein vervolg. Jeugdige 'waageboewesj' kenne zich aanmelje om onger begeleiding aan ein eige 'kerke' te boewe veur de kénjeroptoch.
Geplaatsj: 21 November 2017
© WWW.VASTELAOVENDZITTERD.NL 2003-2018
© WWW.VASTELAOVENDZITTERD.NL 2003-2018
© WWW.VASTELAOVENDZITTERD.NL 2003-2018
Terug naar de inhoud | Terug naar het hoofdmenu