NUUTS EUVERZICH SEZOEN 2017-2018, PAGINA 2 - Vastelaovend in Zitterd 2018

Ga naar de inhoud

Hoofdmenu:

NUUTS > TAGS > nuuts_2018
SJOLIERE VASTELAOVEND
De vriedig veur de Vastelaovend (9 Fibberwarie) sjtruimp de Mert weier vol mit doezende sjoliere oet Zitterd en omgaeving om de vastelaovend in te loewe. Veur de sjoliere wurt ein bontj pregram geprizzenteiert mit oa DJ Jeroen Laven, de band Hard2Get, Big Benny en Heite Soep.
Geplaatsj: 6 Fibberwarie 2018
DE NACH VAN ’T AUWT WIEF
De Donderdig veur de Vastelaovend is tradisjoneel de daag van de Auw Wiever. Dees sjlachtende maskes zeen saoves in en rondj de zittesje kaffees te venje. Op en rondj de Mert organezeiere de Neit Prinse weier de nach van ‘t Auwt Wief en ontvange zie de Auw Wiever mit de neudige hilariteit en Zittesje Laammaekerie.
Geplaatsj: 5 Fibberwarie 2018
OETSJLAAG KÈNJEROPTOCH 2018
Nao aafloup van de kènjeroptoch haet de Optochzjurie de prieze bekend gemaak. Ere Wimpels ginge nao OBS Aan de Meule (grote groppe), 100%Sjpas.nl (klein groppe) en Merle (enkelinge). De Sjpisjaal pries veur 't sjoonste kerke ging nao Sem en Mic, de pries veur de sjoonst verkleide nao Peter Schaeks.
Geplaatsj: 5 Fibberwarie 2018
DE KÈNJEROPTOCH TROK DOOR ZITTERD
Vanmiddig trok eine kleurrieke kènjeroptoch door de sjtraote van de Zittesje bènnesjtad. Ondanks 't get koud waer en ein bietje sjnee sjtonge de teendoezende bezuikesj weier rieje dik langs te kantj. Zie genaote van de grote groppe van sjole mit soms mee es 100 deilnummesj, de humorvolle kleine groppe en enkelinge. Eine sjtraolende Sjtadsprins León I maakte ziene intoch in 't Marotteriek.
Geplaatsj: 4 Fibberwarie 2018
NUUJE PRIES IN DE GROOTE OPTOCH: DE ZITTERD TROFEE
Nao aafloup van de Groote Optoch op Vastelaoveszondig zal dit jaor veur ’t eesj de Zitterd-trofee waere oetgereik. Deze trofee geit nao de meis Zittesje waage oet de Optoch. De Zitterd trofee is de opvolger van de Wil Heuts trofee, dae vanaaf 1981 is oetgereik aan de ere pries waages en later de meis carnavalistische waage.
Geplaatsj: 3 Fibberwarie 2018
SJTADSPRINS LEÓN I VAN SJOOLBANK NAO PRINSEWAAGE
Kommende Zondig 4 Fibberwarie trek de Kènjeroptoch door de sjtraote van de historische bènnesjtad van Zitterd. Eine van de deilnummesj aan de Kènjeroptoch is basissjool Laorhaof, de veurmalige basissjool van Sjtadsprins León I. In ’t jaor dat hunne auwt leerling Sjtadsprins van Zitterd is, pak de sjool groots oet.
Geplaatsj: 2 Fibberwarie 2018
VASTELAOVESDAENSDIG IN EIN NUUT JESKE
Vastelaovesdaendig is tradisjoneel de daag van ’t Appelesienesjmiete. Dit jaor wurt dees jaorelange tradiese versjterk mit hedendaagde aktiviteite. Zo zal op de Mert eine DJ zörge veur Vastelaovesmeziek, zeen d'r optraës en versjèllende aktiviteite. Grootste verangering is 't Maske Begrave dat dit jaor eine gans nuuje opzèt zal kriege.
Geplaatsj: 1 Fibberwarie 2018
DE KÉNJEROPTOCH, AAFTRAP VAN DE VASTELAOVEND
Tradisjoneel trek ein waek veur de Vastelaovend de kénjeroptoch door de sjtraote van de Zittesje bénnesjtad. ’t Pebliek langs kantj kènt geneite van grote groppe van sjole, klein groppe van kenjer, humorvolle enkelinge en väöl meziek. ‘t Letste gedeilte van de Kenjeroptoch is taeves de offisjeel intoch van Sjtadsprins León I.
Geplaatsj: 1 Fibberwarie 2018
DE PAPPEGEY VLUG VEUR DE 137e KEER OET
Op zaoterdig 3 Fibberwarie 'vlug' De Pappegey, 't jaorblaad van De Marotte veur de 137e keer oet. ’t kolderieke jaorblaad in de vorm van eine Glossy is dit jaor weier gevuld mit komische artikele, gekke gebeurtenisse, foto's en kleurrieke anekdotes, wobie Zitterd, häör inwonesj en de Sjoone Zittesje Vastelaovend centraal sjtaon.
Geplaatsj: 31 Jannewarie 2018
SJPEKTAKEL OP ’T MAROTTE FINALE SJPEKTAKEL
Tradisjoneel sjloete De Marotte Zitterd de reeks zittinge aaf op de zaoterdig veur de kénjeroptoch. Tiejes dit ‘Finale Sjpektakel’ op zaoterdig 3 Fibberwarie e.k. traë ein keur van artiste op mit o.a. Kartoesj, Trio Ongeplök, Prinse Garde, Tanzcorps original Kölsche Domputzer, Pierre van Helden (buut) en de Desperado's.
Geplaatsj: 30 Jannewarie 2018
© WWW.VASTELAOVENDZITTERD.NL 2003-2018
© WWW.VASTELAOVENDZITTERD.NL 2003-2018
© WWW.VASTELAOVENDZITTERD.NL 2003-2018
Terug naar de inhoud | Terug naar het hoofdmenu