NUUTS EUVERZICH SEZOEN 2017-2018, PAGINA 1 - Vastelaovend in Zitterd 2018

Ga naar de inhoud

Hoofdmenu:

NUUTS > TAGS > nuuts_2018
RESEPSE SJTADSPRINS LEÓN I IN ’T FORUM THEATER
Zondig 21 Jannewarie is in ’t Forum Theater aan de Engekampsjtraot de tradisjonele Prinseresepsede resepse van Sjtadsvastelaovesvereiniging De Marotte Zitterd. Tössje 13.30 en 17.00 oer is jeederein oetgeneudig om Sjtadsprins León I te filleseteiere mit zien Prinssjap en om same eine toost oet te brènge op de Zittesje Vastelaovend.
Geplaatsj: 19 Jannewarie 2018
FINALE TIENER VASTELAOVESLEIDJES KONKOUR
Vriedig 19 Jannewarie is in ‘De Hanehof’ in Gelaen de finale van ’t Tiener Vastelaovesleidjes Konkour (TVK). ’t TVK is de zuiktoch nao ’t beste Vastelaovesleidjes van Limburg veur en door de Tienesj. Veur Zitterd sjteit Sterre in de finale mit ’t Marotte Tienerleidje ‘Veer gaon d’r veur!’.
Geplaatsj: 18 Jannewarie 2018
PREGRAM KANON VAN ’T BALKON BEKEND GEMAAK
Mit nog ruum 3 wake pés de Vastelaovend haet  Sjtadskapel ’t Trumke en ’t Tröötje ’t pregram bekend gemaak veur de 15e edisie van ’t kanon van ’t Balkon. Optraë zulle zo'n 80 artiste mit o.a. Beppie Kraft, Erwin, Kartoesj, Big Benny, Katja, Ronald & Carien, Don Kiesjot, Joekskapel Kiek Mér en Trööt in de Gööt.
Geplaatsj: 17 Jannewarie 2018
INSJTELASEZITTING SJTADSPRINS LEÓN I
Zaoterdig 20 Jannewarie is de insjtelasezitting van De Marotte. Dees zitting sjteit in ‘t teike van komme en gaon, mer dan in omgedreejde volgorde. Veur de pauze wurt aafsjeid genomme van Sjtadsprins Bart II en brénge de Auw Prinse hunne Grósse Nómmer. Nao de pauze wurt León Kaminski geinsjtalleiert pés Sjtadsprins León I.
Geplaatsj: 17 Jannewarie 2018
MAROTTE JAORORDE IN ’T TEIKE VAN ZITTERD 775 JAOR SJTAD
De jaororde van De Marotte ként ein lange tradiese, de orde is bedoeld es ein erkenning veur ’t werk van de väöle vriewilligesj en mitwirkesj bénne de ‘Marotteperpluu’. Ein ongersjeijing die men neit zo mér krig, dao mot men get veur doon. De jaororde is ouch dit jaor weier ontworpe door Luc Bormans en haet es thema Zitterd 775jaor sjtad.
Geplaatsj: 12 Jannewarie 2018
ZITTESJE LEIDJES IN DE 2e HAUF FINALE VAN ‘T LVK 2018.
Vriedig 12 Jannewarie is de tweede hauf-finale van ’t LVK 2018, mit twee Zittesje leidjes. Es nömmer 32 ’t duo Sjtóm Toeval mit ’t door Ger Muijrers gesjreve leidje ‘Mos doe neit eine gaeve?’ en es nömmer 38 Paul-Jean Jessen mit ’t door Thei Wessels gesjreve leidje ‘Moele doon ze toch!’
Geplaatsj: 10 Jannewarie 2018
NUUJ ROETES VEUR DE ZITTESJE OPTOCHTE
De roetes van zowaal de Kénjeroptoch op zondig 4 Fibberwarie en de Groote Optoch op zondig 11 Fibberwarie waere beheurlik aangepas. Grootste verangering is dat allebei de roetes ein sjtök waere ingekort. Rae van ’t inkorte is dat op versjéllende sjtökke van de roete weinig pebliek sjtong.
Geplaatsj: 7 Jannewarie 2018
BENUIMP PES SJTADSPRINS DE HEER LEÓN KAMINSKI
Benuimp pés Sjtadsprins d'n heer León Kaminski. Ziene Hoogheid zal regeiere euver 't Marotteriek es Sjtadsprins León I. Prinsekikpalies Kirkplien 11 in Zitterd. In ’t dagelikslaeve wirk León es junior controleleider bie Koenen en Co. Léon is o.a. lid van de Phil Hermenie, De Desparado's en kapel Aafsjlaag Zitterd.
Geplaatsj: 7 Jannewarie 2018
TWEE NUUJ RIDDESJ IN DE ORDE VAN DE PAPPEGEY
Op de oetruipingsaovend zeen bezunjer dit jaor twee persone geridderd in de Orde van de Pappegey. Es eesjte woort Dr. Heribert Mies, Senatspräsident van de Grosse Kölner ongersjeije. Vervolges woort Mevr. Imelde Bartholemeus ongersjeije, zie is veural op de achtergrondj aktief veur de Zittesje Vastelaovend.
Geplaatsj: 7 Jannewarie 2018
OETRUIPINGSZITTING SJTADSPRINS 2018
Op Zaoterig 6 Jannewarie vanaaf 20.11oer is in ’t Forum Theater de oetruipingszitting van Sjtadsvastelaovesvereiniging De Marotte Zitterd mit de bekendmaking van de Sjtadsprins 2018. Eine aovend mit offesjeel momente, meziek, kolder en protocol. De zaal is vanaaf 19.30oer geäöpend.
Geplaatsj: 3 Jannewarie 2018
AANMELJE VEUR DEILNAME AAN DE OPTOCHTE
Jeederein dae wilt mittrekke in de Groote Optoch mot zich veur deilname aanmelje bie ’t Optochkommitee. Aafgeloupe jaor haet 't Optochkommitee ein Digitaal insjriefsysteem  geintroduseiert, via dit systeem is ’t muigelik om uch in drie sjtappe aan te melje veur deilname. Aanmelje is muigelik pes gounsdig 7 Fibberwarie.
Geplaatsj: 3 Jannewarie 2018
LUC JACOBS (22) NUUJE COMMANDANT VAN DE PRINSEGARDE
Offesjeel is hae al versjéllende maondje in funksie, mer vanaaf de 11de van de 11de maag jeederein ’t weite dat Luc Jacobs de opvolger is gewore van Peter Jamar es commandant van de Prinse Garde Zitterd. De 22 jaorige Luc is op dit moment 't langste van allemaol lid van de Prinsegarde.
Geplaatsj: 29 December 2017
© WWW.VASTELAOVENDZITTERD.NL 2003-2017
© WWW.VASTELAOVENDZITTERD.NL 2003-2017
© WWW.VASTELAOVENDZITTERD.NL 2003-2017
Terug naar de inhoud | Terug naar het hoofdmenu