MASKE BEGRAVE - Vastelaovend in Zitterd 2018

Ga naar de inhoud

Hoofdmenu:

FILM- EN NAOKAART AOVEND IN DE OPTOCHHAL
Geplaatsj: 28 Fibberwarie 2018

De Vastelaoveswaages es groot dekor van de Film en Naokaartaovend (foto: RBZitterd)

Op vriedig 2 Meert organizeiert ’t Optoch Kommitee de film en naokaart aovend. Deze aovend, dae om 19.33oer begint, vèngk plaatsj in de Optochhal en is veur jeederein gratis toegankelik. Bewus is gekaoze veur eine datum kort nao de Vastelaovend zodat de filmaovend taeves ein sjoon moment is om nog èns same trök te kieke op de Vastelaovend.

In de optochhal wurt ein gezellig pleintje ingerich mit sfeervolle verleichting en mit de Vastelaoveswaages die in de optoch höbbe mit getrokke es groot dekor. Zittend of sjtaond aan sjtehtissje is de muigelikheid om same onger ’t genot van ein drènkske trök te kieke op de Vastelaovend en nog ens te geneite van de beelde van de Optochte.

’t Optoch Kommitee prizzenteiert deze aovend de Optochfilm van de Groote Vastelaoves optoch 2018 welke net es de beelde van de Kènjeroptoch en beelde van versjèllende auw optochte de ganse aovend doorloupend te bekieke zeen. Taeves is op LCD-sjerme ein prizzentase van foto’s van ’t aafgeloupe sezoen. Natuurlik is ein drénkske te kriege en zeen d’r kraomkes mit versjèllende hepkes. Ouch is de cocktailbar dit jaor weier prezent.

© WWW.VASTELAOVENDZITTERD.NL 2003-2018
© WWW.VASTELAOVENDZITTERD.NL 2003-2018
© WWW.VASTELAOVENDZITTERD.NL 2003-2018
Terug naar de inhoud | Terug naar het hoofdmenu