VASTELAOVEND MIT DE MAROTTEKAPEL - Vastelaovend in Zitterd 2018

Ga naar de inhoud

Hoofdmenu:

VASTELAOVEND MIT DE MAROTTEKAPEL
Geplaatsj: 7 Fibberwarie 2018

De Marottekapel mit Sjtadsprins León I (foto: Arjan Krijntjes)

Jeederjaor verzörg de Marottekapel, de hoes kapel van De Marotte, de muzikaal omliesting bie de zittinge. Naeve de zittinge van de Marotte verzörg de Marottekapel ouch jaorliks de muzikaal omliesting bie de zittinge in De Baenje en De Kolleberg. Dit doon zie tradisjoneel mit veural väöl auw Zittesje Vastelaovesleidjes.

Nao ‘t muzikaal oploestere van dees zittinge leet de Marottekapel ouch mit de Vastelaovend häör muzikaal Vastelaovesklanke klinke. Op de donderdig veur de Vastelaovend, 8 Fibberwarie, is ’t ongertössje tradisjoneel Auw-Wieverkonzèr. Vanaaf 21.11oer vermaak de Marottekapel onger leijing van Jan Hungens de auw wiever en anger laammaekesj mit veural (auw) Zittesje Vastelaovesleidjes in kafee ’t Duvelke aan de Helsjtraot.

Twee daag later op Vastelaoveszaoterdig zal De Marottekapel ein optraë verzörgde op ’t Kanon van ’t Balkon. Hie brénge zie richtig Zittesje Vastelaovesklanke, wo bie zie waere ongersjteund door versjèllende Zittesje zengesj wo onger Math Dirkx. Onger ’t motto: ‘De ganse mert zèngk mit os mit’ wilt de Marottekapel prebeiere zoväöl muigelik luuj oppe mert te laote mitzènge mit de Zittesje leidjes.

© WWW.VASTELAOVENDZITTERD.NL 2003-2018
© WWW.VASTELAOVENDZITTERD.NL 2003-2018
© WWW.VASTELAOVENDZITTERD.NL 2003-2018
Terug naar de inhoud | Terug naar het hoofdmenu