SJOLIERE VASTELAOVEND - Vastelaovend in Zitterd 2018

Ga naar de inhoud

Hoofdmenu:

SJOLIERE VASTELAOVEND
Geplaatsj: 6 Fibberwarie 2018

Foto: Facebook Scholierencarnaval / Rockateer photo.video.graphics

De vriedig veur de Vastelaovend (9 Fibberwarie) sjtruimp de Mert weier vol mit doezende sjoliere oet Zitterd en omgaeving om de vastelaovend in te loewe. ’t Festivalterrein op de Mert is geäöpent vanaaf 13.00oer. ’t pregram doet van 13.30 oer pés ongeveer 18.00oer. Veur de sjoliere is gezörg veur ein bondj pregram mit optraejes van o.a. Big Benny, de band Hard2Get en Heite Soep. DJ Jeroen Laven zörg door de ganse middig haer veur sjwingende (Vastelaoves)meziek. De Marotte mit Sjtadsprins León I zulle ein bezuik brènge aan Sjoliere Vastelaovend.

De mert wurt veur Sjoliere Vastelaovend inrich es festival terrein. De entree nao de mert is allein muigelik via de Lömmerichersjtraot en via de Paesjsjtraot, angere sjtraote nao de mert waere aafgesjlaote en zeen allein noodoetgeng. ’t Is neit toegesjtaon om karre en eige drank mit te numme. Hie zal bie de ingeng op waere gecontroleiert.

Ouch bie Sjolierevastelaovend is de regel NIX18, gein alcohol onger de 18jaor. Op vertoon van ‘t liggetemesebewies (paspoort of ID-kaart) kriege bezuikesj van 18jaor en awwer ein polsbendje. Allein op vertoon van dit polsbendje is drank mit alcohol te kriege. Let op d’r zal volop waere gecontroleiert op NIX18.

Komsumpsies zeen bie Sjoliere Vastelaovend en de anger Vastelaovesdaag allein te verkriege mit de ‘Sjpaspas’. Allein mit deze pas kent waere betaalt bie de tappunte op de mert en in de kafees! Mee infermase euver de ‘Sjapspas’ is te venje op www.sjpaspas.nl

Mee infermase euver Sjoliere Vastelaovend is te venje op feesbouk: www.facebook.com/scholierencarnavalsittard

© WWW.VASTELAOVENDZITTERD.NL 2003-2018
© WWW.VASTELAOVENDZITTERD.NL 2003-2018
© WWW.VASTELAOVENDZITTERD.NL 2003-2018
Terug naar de inhoud | Terug naar het hoofdmenu