NACH VAN 'T AUWT WIEF - Vastelaovend in Zitterd 2018

Ga naar de inhoud

Hoofdmenu:

DE NACH VAN ’T AUWT WIEF
Geplaatsj: 5 Fibberwarie 2018

Foto: Ton Dirkx

De Donderdig veur de Vastelaovend is tradisjoneel de daag van de Auw Wiever. Dees sjlachtende maskes zeen saoves pes deip in de nach in en rondj de zittesje kaffees te venje. Op en rondj de Mert organezeiert ‘t Convent van Neit Prinse weier de nach van ‘t Zittesj Auwt Wief. Tössje 21.11 en 0.11 oer trekke de Neit Prinse mit ein mobiel podium rondj en ontvange zie op ein ludieke meneier de Auw Wiever.

Alle ‘Auw Wiever’ kènne op ’t podium hun ekt laote zeen en waere vervolgens door de Niet Prinse gezjureiert, wobie zie kans maake op de titel sjoonste en beste Auwt Wief van Zitterd. Alle Auw Wiever die zich prizzenteiere kriege taeves de Auw Wiever jaororde van de Neit Prinse
Dit alles sjteit garant veur de neudige hilariteit, ein grote dosis flauwekul, ‘sjaele zeiver’ en Zittesje Laammaekerie. Rondj middernach wurt de ‘oetsjlaag’ van ’t beste auwt wief op ein al aeve ludieke meneier bekend gemaak.

In kafee ’t Duvelke aan de Helsjtraot hilt de Marottekapel häör tradisjoneel Auw Wiever konzer. Zie vermake vanaaf 21.11oer de Auw Wiever en anger laammaekesj mit veural (auw) Zittesje Vastelaovesleidjes.

© WWW.VASTELAOVENDZITTERD.NL 2003-2018
© WWW.VASTELAOVENDZITTERD.NL 2003-2018
© WWW.VASTELAOVENDZITTERD.NL 2003-2018
Terug naar de inhoud | Terug naar het hoofdmenu