EINE KLEURRIEKE KÈNJEROPTOCH TROK DOOR ZITTERD - Vastelaovend in Zitterd 2018

Ga naar de inhoud

Hoofdmenu:

EINE KLEURRIEKE KÈNJEROPTOCH TROK DOOR ZITTERD
Geplaatsj: 4 Fibberwarie 2018

Vanmiddig trok eine kleurrieke kènjeroptoch door de sjtraote van de Zittesje bènnesjtad. Ondanks 't get koud waer en soms ein bietje sjnee sjtonge de teendoezende bezuikesj weier rieje dik langs te kantj.

't Pebliek koosj geneite van grote groppe van sjole mit soms mee es 100 deilnummesj, mer ouch de humorvolle kleine groppe en enkelinge. De jeugde waageboewesj van 't kérkes-projek trokke greutsj mit hun eige gemaakte 'waages', wo zie waeke in de Optochhal aan höbbe gewirk, door de sjtraote.
Eine sjtraolende Sjtadsprins León I sjloot de Kènjeroptoch aaf en maakte ziene grandiooze intoch in 't Marotteriek. Hiebie woort hae veuraafgegange door de Prinsegarde, De Marotte en 'zien' Philhermenie.
Klik op ongersjtaonde foto om de foto's van de kènjeroptoch te bekieke

© WWW.VASTELAOVENDZITTERD.NL 2003-2018
© WWW.VASTELAOVENDZITTERD.NL 2003-2018
© WWW.VASTELAOVENDZITTERD.NL 2003-2018
Terug naar de inhoud | Terug naar het hoofdmenu