VEER ZEEN ZITTERD GEKAOZE PES VASTELAOVESSJLAAGER 2018 - Vastelaovend in Zitterd 2018

Ga naar de inhoud

Hoofdmenu:

‘VEER ZEEN ZITTERD’ GEKAOZE PÈS ZITTESJE VASTELAOVESSJLAAGER 2018
Geplaatsj: 27 Augustus 2017

De sjrievesj van de nuuje sjlager, Petro Willems en Ed Geilen, kriege oet henj van Marianne Hunnekens-de Kok de Thei Hunnekens Wisseltrofee oetgereik.

In ein vol en sfeervol Poppodium Volt is gisteraovend de Zittesje Vastelaovessjlaager veur Vastelaovessezoen 2017-2018 gekaoze. Alle ellef de leidjes die in de finale sjtonge woorte laif gezonge door Zittesje zengesj, wobie de meziek dit jaor al eerder waar opgenomme. De zjurie onger leiding van Notaris Tim Gielens besjtong oet ein vak- /prominentezjurie mit Paul Kalkhoven (meziekdocent en lid van versjellende meziekvereiniginge), ’t duo Spik & Span (2-vouding LVK wennesj) en Henk Hover (L1) en alle aanwezige die op ‘t sjtömbiljet hunne top 3 invulde.
Volges de vakzjurie en de aanwezige waar 't dit jaor ein van de sjterkste finales van de aafgeloupe jaore, mit veural väöl richtig Zittesje illemente in de leidjes.

Nao ’t telle van de sjtömme kwaam es winnaer nao veure ‘Veer zeen Zitterd’ gesjreve door Ed Geilen en Petro Willems. De nuuje sjlaager wurt gezonge door Ed en Petro es duo Gein haor Baeter. Oet henj van Marianne Hunnekens-de Kok en Sjtadsprins Bart II kreege Ed en Petro de Thei Hunnekens wisseltroffee oetgereik.
Ed en Petro doon saer 2010 es ’t duo Gein haor Baeter mit aan ’t Zittesj Leedjeskonkour en höbbe zie jeederjaor ein plaatsj in de finale van ’t ZVK weite te haole. Dit jaor is ’t hun nao de neudige 2de, 3de en 4de plaatsje eindelik gelök om ‘t Zittesj Vastelaovesleidjes Konkour te wenne.

Op de tweede plaatsj eindige ‘t leidje ‘Kabáw’ gesjreve door Thei Wessels en gezonge door Koeraasj (Jan, Ron & Maike). De driede plaatsj ging nao ‘Laef de Vastelaovend’ gesjreve en gezonge door Cyrille Niël, dae dit jaor veur de eesjte keer zellef ein leidje haet gesjreve.



Naeve de de top 3 komme ouch de nömmesj veier pes zös op de nuuje Marotte CD te sjtaon. Dat zeen ‘Mos doe niet eine gaeve’ gesjreve door Ger Muijers en gezonge door ’t duo Sjtom Toeval, ‘Blifs in mien hart’, ein ode aan Zitterd gesjreve door Sjohn Smeets en Gian Prince, gezonge door Bart en Lejao en tensjlotte ‘Waat is ein Trumke zonger Träötje’ gesjreve door Guus Steinen mit zangk van Jack en Ron.

De 6 wennende leidjes komme op de nuuje Marotte CD te sjtaon same mit ein nuuj kènjer Vastelaovesleidje te sjtaon, dat dit jaor wurt gezonge door kenjer van Basissjool Euverhaove. Daonaeve, nao 't sukses van aafgeloupe jaor, ouch weier ein Tiener Vastelaovesleidje, dat dit jaor wurt gezonge door Sterre.
De nuuje Marotte CD wurt bie de äöpening van ’t Vastelaovessezoen op de 11de van de 11de geprizzenteiert en is vanaaf eind November te koup in onger angere de Marottewinkel.
Vastelaovessjlaager 2018: Veer zeen Zitterd
foto's en video: RBZitterd

© WWW.VASTELAOVENDZITTERD.NL 2003-2017
© WWW.VASTELAOVENDZITTERD.NL 2003-2017
© WWW.VASTELAOVENDZITTERD.NL 2003-2017
Terug naar de inhoud | Terug naar het hoofdmenu