WAE OH WAE SJRIF DE ZITTESJE VASTELAOVESSJLAAGER 2018 ? - Vastelaovend in Zitterd 2018

Ga naar de inhoud

Hoofdmenu:

WAE OH WAE SJRIF DE VASTELAOVESSJLAAGER 2018???
Geplaatsj: 27 Mei 2017

Aafgeloupe sezoen sjreve John Smeets & Gian Prince de Vastelaovessjlaager 'Wae oh Wae'
(Foto: RBZitterd)

Mit de zomer veur de deur wurt ouch al oetgekeke nao de Vastelaovend 2018. De aanzèt veur ’t nuut Vastelaovessezoen is tradisjoneel de verkeizing van de nuuje sjlaager. ’t Zittesj Vastelaovesleidjeskonkour is dit jaor weier mit Sint Rosa, op zaoterdig 26 augustus 2017.

Sjrievesj en kompeniste kenne pés maondig 5 Juni ein of meerdere leidjes insjikke veur de verkeizing Zittesje Vastelaovessjlaager 2018. Bie mee es 11 inzendige wurt ein veurseleksie gehauwte. De zjurie van dees veurseleksie besjteit onger angere oet Muzikante, Veldeke, toneel, leede van Vastelaovesvereiniginge, Pries winnaesj oet de Optoch 2017, Ridder in de Orde van de Pappegey  en Sjtadsprins Bart II. Lede van De Marotte höbbe gein sjtömrech.

Veurwaarde:
  • De teks en meziek motte orzjineel zeen, mage neit eerder in ‘t aopenbaar ten geheure zeen gebrach en deine gemaak te zeen mit de intentie om deil te numme aan ’t Zittesj vastelaovesleeidjes Konkour
  • De teks mot in ’t Zittesj-plat zeen gesjreve en/of gezonge zeen
  • De meziek deint in noote-sjrif genoteiert te zeen, bie veurkeur in ‘Sibelius’. De teks mot onger de melodielien waere gesjreve
  • De teks deint taeves apaart es Word-besjtand aangelevert te waere
  • Ein onbeperk aantal leidjes maag waere ingezonje, mer per sjriever/kompenis kent mer ein leidje in de finale komme
  • Bie ‘t insjikke van ein leidje kriege de Marotte ‘t allein rech om ‘t leidje op CD oet te brenge
  • Daonaeve vraoge de Marotte om de inzendig te veurzeen van een Word-besjtandj mit eine korte oetlegk wao ‘t leidje euvergeit, dit om de zjurie ein baeter inzich te gaeve bie ‘t leidje.
  • De insjrieving veurzeen van naam van de sjriever en/of kompenis, adres, e-meel en tillefoonnömmer en mot veur maondig 5 juni waere opgesjtuurd of aafgegaeve waere bie protocollis van de Marotte Thijs Jacobs via Posbus 256, 6130 AG Zitterd of Jan van Stevensweersjtraot 9, 6137 AR Zitterd. Veur vraoge of onduudelikhede kent geer kontak opnumme mit de Protokolis van De Marotte Thijs Jacobs secretaris@marotte.nl

‘t Zittesje Vastelaovesleidjeskonkour 2017-2018 is op zaoterdig 26 augustus in Poppodium Volt! De 11 finale leidjes op ’t ZVK laif gezonje door Zittesje zengesj en zengeresse. Aan ‘t enj van de aovend is dan bekend welk leidje de opvolger wurt van de door John Smeets en Gian Prince gesjreve Vastelaovessjlaager ‘Wae oh Wae’. Aan de wènnende sjreiver/komponis wurt dan de Thei Hunnekens Wisseltrofee oetgereik.


© WWW.VASTELAOVENDZITTERD.NL 2003-2017
© WWW.VASTELAOVENDZITTERD.NL 2003-2017
© WWW.VASTELAOVENDZITTERD.NL 2003-2017
Terug naar de inhoud | Terug naar het hoofdmenu