NUUTS EUVERZICH SEZOEN 2016-2017, PAGINA 5 - Vastelaovend in Zitterd 2018

Ga naar de inhoud

Hoofdmenu:

NUUTS > TAGS > nuuts_2017
JEUGDIGE WAAGEBOEWESJ VEUR DE KENJEROPTOCH GEZOCH
Aafgeloupje jaor is in de kénjeroptoch veur de eesjte keer eine sjpisjale pries oetgereik aan de deilnummer mit ’t sjoonste ‘kerke’, om kénjer te sjtimuleiere om ‘kerkes’ te boewe es opsjtap nao ’t boewe aan de 'groote' waages. Dit inisjatief wurt dit jaor oetgebreid mit wirkmiddige wo de kénjer boewe aan de 'kerkes' onger begeleiding van ervare waageboewesj.
Geplaatsj: 01 December 2016
DE NUUJE MAROTTE CD ‘WAE OH WAE’ TE KOUP
Jaorliks brènge de Marotte Zitterd ein nuuj Vastelaoves CD oet mit dao-op de nuuje Vastelaovessjlaagesj van ’t sezoen. Op de CD sjtaon de nömmesj ein pés zös van ’t Zittesj Vastelaovesleidjes Konkour mit de sjlaager ‘Wae of Wae’. Wiejer 't Kénjerleidje 'Oppe Tied' gezonge door kenjer van BS de Hoefer en veur de eesjte keer ein Tienerleidje, dat wurt gezonge door Lisa Schiffler.
Geplaatsj: 30 November 2016
BIELEMENBIELKE VEUR SJEF EN NICOLE SCHURGERS
De Bielemen van De Marotte Zitterd reike ein maol in de twee/drie jaor ’t Bielemenbielke oet aan eine persoon dae väöl werk deit op kultureel gebied en in de Zittesje vastelaovend aktief is. Dit jaor geit dees ongersjeiing aevel neit nao eine persoon mer nao ein sjtél, namelijk Sfef en Nicole Schurgers.
Geplaatsj: 29 November 2016
LISA MIT 'T MAROTTE TIENERLEIDJE IN DE TVK FINALE
Gisteraovend waar in Dieteren de TVK-Workshop (veurronje) en woorte door de zjurie de finaliste gekaoze van 't TVK 2017, 't LVK veur de tienesj. Nao aafloup zeen door de zjurie 14 finaliste bekend gemaak. Names Zitterd haet Lisa mit 't allereesjte Marotte Tienerleidje ooit ein plaatsj in de finale wiete te behaole.
Geplaatsj: 27 November 2016
PREGRAM KANON VAN ’T BALKON 2017
Mit nog precies 3 maondj pés Vastelaoveszaoterdig haet Sjtadskapel ’t Trumke en ’t Tröötje ’t pregram bekend gemaakvan ’t kanon van ’t Balkon. Ouch dit jaor belaof ’t weier ein bomvol pregram mit Zittesje zengesj en topartieste oet gans Limburg es Beppie Kraft, Don Kiesjot, W-Dreej, Katja, Marleen Rutten Fabrizio, Trööt in de Gööt, Toddezek en Spik & Span.
Geplaatsj: 25 November 2016
JUBBELARIS EN NUUT LID BIE DE WIEZE RAOD VAN DE MAROTTE
Bie aanvangk van ’t nuuje Vastelaovessezoene hauwe De Marotte intern get te viere. Auwt Sjtadsprins (2005) Roger Bormans woort geinsjtalleierd pes lid van de Wieze Raod van de Marotte en Groot Vors Harie I vierde zien 11 jaorig jubbelei es lid van De Marotte
Geplaatsj: 25 November 2016
DE MAROTTEWINKEL ÄÖPENT WEIER DE DEURE
Zaoterdig 26 November äöpene De Marotte weier hunne eige winkel, deze is te vénje in de Modezaak Van Neer Eijckeler op de Brandjstraot 11 in Zitterd. In de winkel zeen o.a. te koup de entree kaarte veur de Zittinge, de nuuj Marotte CD 'Wae oh Wae' en CD's oet eerdere jaore, patsje, sjaale, 'pinkes' en de Greutsje Pin.
Geplaatsj: 24 November 2016
TWEE ZITTESJE SJOOLE NAO DE FINALE VAN 'T KVL
In Poppodium Volt is de eesjte veurronje gewaes van 't Kinjer Vastelaovend Leedjesfestival (KVL). Nao de optraejes van de 10 deilnummesj zeen door de zjurie de eesjte 3 finaliste bekend gemaak. Dao bie twee Zittesje sjole: BS de Hoefer mit 't Marotte Kenjerleidje 'Oppe Tied' en OBS de Sjtadssjool mit 'Vastelaovend, det is Kikke'.
Geplaatsj: 20 November 2016
DE NUUJE GREUTSJE PIN IS TE KOUP
Op de 11de van de 11de is de Greutsje Pin 2017 geprizzenteiert. De Greutsje Pin is ein sjpèngske dat jeedere Vastelaovesgek op ziene revaer of patsj kent sjtaeke es teike dat hae greutsj is op de Zittesje Vastelaovend. De opbrengs van de verkoup van De Greutsje Pin geit rechsjtreeks nao de deilnummende vereiniginge.
Geplaatsj: 16 November 2016
DE DÖRPELMAEG VIERE 5X11 JAORIG BESJTAON
De Dörpelmaeg, ein vereiniging die besjteit oet allein dames, viert dit jaor hun 5x11 jaorig besjtaon. De Dörpelmaeg zeen jaorliks prezent bie tal van aktivieteite es de optochte, Krombroodrape en 't Alternatief Sjöttefees.
't 5x11 jaorig jubbelei viere de dames op 19 November in 't Gulickshoes mit ein resepse en aansjloetend feesaovend.
Geplaatsj: 14 November 2016
SFEERVOLLE ÄÖPENING VASTELAOVESSEZOEN
Op de 11de van de 11de woort op 't Kloosterplien 't Vastelaovessezoen geäöpent mit optraejes van Zittesje artieste, Don Kiesjot en Spik&Span. De offisjeel äöpening woort gedaon door Sjtadsprins Sander I same mit Prinse oet Groot Zitterd wonao De Marottekapel 'Hoog 't Rood Gael Gruin' sjpeelde vanaaf de taore van de Groote Kirk.
Geplaatsj: 12 November 2016
© WWW.VASTELAOVENDZITTERD.NL 2003-2017
© WWW.VASTELAOVENDZITTERD.NL 2003-2017
© WWW.VASTELAOVENDZITTERD.NL 2003-2017
Terug naar de inhoud | Terug naar het hoofdmenu