NUUTS EUVERZICH SEZOEN 2016-2017, PAGINA 4 - Vastelaovend in Zitterd 2017

Ga naar de inhoud

Hoofdmenu:

NUUTS > TAGS > nuuts_2017
MAROTTE KENJER VASTELAOVESLEIDJE 'OPPE TIED'
Jaorliks zette de Marotte ein Kenjer Vastelaovesleidje op de CD van ’t sezoen. Dit leidje wurt jeederjaor door ein angere Zittesje basissjool gezonge en gesjreve door eine angere componis. ’t Kenjervastelaovesleidje van dit jaor ‘Oppe Tied’ is gesjreve door Marlou Obers en wurt gezonge door kenjer van Basissjool De Hoefer Zitterd.
Geplaatsj: 20 Jannewarie 2017
OPTOCHDEILNUMMESJ VERGADERING
't Optoch Kommitee Zitterd organizeiert op vriedig 20 Jannewarie e.k. ‘Op de Sjans’ in de Zittesje Optochhal ein vergadering veur alle deilnummesj aan de optochte. 't OKZ wilt mit dees vergadering de deilnummesj infermeiere euver alle zake mit betrèkking tot de Optochte. Insjrieve veur deilname aan de optochte geit vanaaf dit jaor via ein nuut insjriefsysteem dat volledig digitaal is.
Geplaatsj: 19 Jannewarie 2017
RESEPSE SJTADSPRINS BART II
Zondig 22 Jannewarie vèngk de offisjeel resepse plaatsj veur Sjtadsprins Bart II. De resepse wurt gehauwte in ‘t sfeervolle Forum Theater (Engelekampsjtraot 86).
Tössje 13.25 en 16.00 oer is jeederein in de gelaeg om Sjtadsprins Bart II te filleseteiere mit zien Prinssjap en eine toost oet te brènge op de Zittesje Vastelaovend.
Geplaatsj: 19 Jannewarie 2017
INSJTELASEZITTING SJTADSPRINS BART II
Zaoterdig 21 Jannewarie is de Insjtelasezitting van Sjtadsprins Bart II. Es eesjte wurt de nog regeierende Sjtadsprins Sander I 'geplök', wonao de Auwt Prinse hunne Grösse nömmer brenge. Nao de pauze wurt Bart Offermans door femeiej, vrunj, buurt en vereiniginge op de buun gebrach, wonao hae offisjeel wurt geinsjtalleiert pes Sjtadsprins Bart II.
Geplaatsj: 17 Jannewarie 2017
2e HAUF FINALE VAN ‘T LVK 2017, SJTÖMME !!!
Vriedig 13 Jannewarie tössje 18.00 en 20.00 oer is op L1 Radio en TV de tweede hauf-finale van ’t LVK 2017. In dees hauf finale op nömmer 24 Bart & Lejao mit de Zittesje sjlaager 'Wae oh Wae', gesjreve door Sjohn Smeets en Gian Prince. Sjteun Bart, Lejao, Sjohn en Gian op waeg nao de finale en sjtöm op de Zittesje leidjes!!!
Geplaatsj: 12 Jannewarie 2017
BENUIMP PES SJTADSPRINS VAN ZITTERD: DE HEER BART OFFERMANS
Tot Sjtadsprins van Zitterd 2017 is benuimp de heer Bart Offermans, hae zal regeiere euver 't Marotteriek onger de naam Sjtadsprins Bart II. Zien Prinselikpalies legk aan de Vieverwaeg 8 in Zitterd. Bart is lid van hermenie Sint Joep en in 't dagelikslaeve sjtudent Genaeskunde aan de universiteit van Mesjreich.
Geplaatsj: 08 Jannewarie 2017
RIDDER IN DE ORDE V/D PAPPEGEY: SJEF SCHURGERS
Sjef Schurgers is door de Marotte benuimp pes Ridder in de Orde van de Pappegey. Sjef is onger mee zenger bie kapel Trööt in de Gööt, lid van de Neit Prinse en jaorliks optochdeilnummer. Sjef haet ein grote passie veur toneel zo waas hae de sjreiver van de aafgeloupe revuu en ein van de hoofrolsjpeelesj.
Geplaatsj: 08 Jannewarie 2017
1e HAUF FINALE VAN ‘T LVK 2017, SJTÖMME !!!
Vriedig 6 Jannewarie tössje 18.00 en 20.00 oer is op L1 Radio en TV de eesjte hauf-finale van ’t LVK 2017. In dees hauf finale sjteit es nömmer 19 Paul-Jean Jessen mit ‘’t Vuur van Vastelaovend’, gesjreve door Thei Wessels. Sjteun Paul-Jean Jessen en Thei Wessels op waeg nao de finale en sjtöm op Zitterd!!!
Geplaatsj: 04 Jannewarie 2017
OETRUIPINGSAOVEND ‘CIRQUE DU TOON’
Zaoterdig 7 Jannewarie is in de sirktent van 't Limburgs Kerstcircus de oetruipingsaovend 'Cirque du Toon'. Naeve de offisjeel momente mit de nuuje Ridder in de Orde v/d Pappegey en de oetruiping van de Sjtadsprins 2017, zeen d'r optraejes van internasjenale Sirkartiste, Marleen Rutten, Peter Vaessen (buut), de Marotte zengesj en versjellende verrassjinge.
Geplaatsj: 04 Jannewarie 2017
ZITTESJE LEIDJES DOOR NAO ’T LVK 2017
Op L1 zeen de 60 leidjes bekend gemaak die door zeen nao de hauf finales van ’t LVK2017. Bie dees 60 leidjes zeen twee Zittesje leidjes: Bart & Lejao mit de Zittesje Vastelaovessjlaager 2017 ‘Wae oh Wae’ (teks en meziek: Sjohn Smeets & Gian Prince) en Paul-Jean Jessen mit ’t Vuur van Vastelaovend’.
Geplaatsj: 19 December 2016
DE MAROTTE OP ZUIK NAO ‘NUUTS’ VEUR DE PAPPEGEY
Op 16 Fibberwarie versjient de 136e edisie van ‘De Pappegey’ ‘t jaorblaad van De Marotte Zitterd. De redaksie is 't ganse jaor door opzuik nao 'nuuts' en zuik daobiej ouch eur hulp. Höb geer ein sjpraakmakend verhaol mit väöl ‘sjaele kal’ of ein lachwekkende foto? Sjik dees dan op nao de redaksie van de Pappegey.
Geplaatsj: 12 December 2016
© WWW.VASTELAOVENDZITTERD.NL 2003-2017
© WWW.VASTELAOVENDZITTERD.NL 2003-2017
© WWW.VASTELAOVENDZITTERD.NL 2003-2017
Terug naar de inhoud | Terug naar het hoofdmenu