NUUTS EUVERZICH SEZOEN 2016-2017, PAGINA 3 - Vastelaovend in Zitterd 2017

Ga naar de inhoud

Hoofdmenu:

NUUTS > TAGS > nuuts_2017
JAN HUNGENS 11 JAOR DIRIGENT VAN DE MAROTTEKAPEL
De Marottekapel is de hofkapel van Sjtadsvastelaovesvereinging De Marotte. Saer 2006 sjteit Jan Hungens es dirigent veur de Marottekapel en viert hae dit sezoen zien 11 jaorig jubbelei. 't hoogtepunt van ’t sezoen is veur häöm ’t optraeje bie ’t kanon van ’t Balkon es de mert volsjteit mit doenzende luuj.
Geplaatsj: 10 Fibberwarie 2017
’T GALA PRINSEBAL GEIT ‘ONGER WATER’
Jaorliks organezeiere de Auw Prinse ’t Gala Prinsebal ter ere van de Sjtadsprins. Dit jaor is ’t Gala Prinsebal op zaoterdig 11 Fibberwarie in Sjtadsjouwburg de Domijnen mit es thema 'Ónger water'. 't Gala Prinsebal sjeit garant veur eine feestelikke aovend mit topbends, lekker aete, drénke, sfeer en ein gout gezelsjap.
Geplaatsj: 08 Fibberwarie 2017
SJNAAKEGALA IN POPPODIUM VOLT
Op vriedig 10 Fibberwarie vèngk in Poppodium Volt ’t Sjnaakegala plaatsj. Dit evenement van De Marotte is sjpisjaal veur de jeug van 11 pés 14 jaor, de entree is gratis! De meziek wurt deze aovend aafgesjömp op de jeug mit DJ Jeroen, Fabrizio en versjéllende finaliste van ’t Tiener Vastelaovesleidjes Konkour.
Geplaatsj: 07 Fibberwarie 2017
DRIEDE PLAATSJ VEUR DE SJTADSSJOOL OP 'T KVL
In Eygelshaove waas vanmiddig de finale van 't Kinjer Vastelaovend Leedjesfestival (KVL). In de finale sjtonge twee Zittesje sjoole. BS de Hoefer behaolde mit ’t Marotte kénjerleidje ‘Oppe Tied’ ein gedeilde 4e plaatsj en OBS De Sjtadssjool Zitterd eindigde mit ‘Vastelaovend, dat is Kikke!’ op ein sjoon 3e plaatsj.
Geplaatsj: 05 Fibberwarie 2017
MAROTTE JAORORDE 2017: ODE AAN TOON HERMANS
De Marotte höbbe dit jaor es jaormotto 'Alleney gekke Teun' en zo sjteit ouch de Marotte Jaororde in 't teike van Toon Hermans. De Jaororde is bedoeld es erkénning veur ’t werk van de väöle vriewilligesj en mitwirkesj bénne de grote ‘Marotteperpluu’. Ein Orde die me neit zo mèr krig, me mot dao get veur door in ’t belang van de Zittesje Vastelaovend en/of De Marotte.
Geplaatsj: 03 Fibberwarie 2017
FINALE KINJER VASTELAOVEND LEEDJESFESTIVAL
Zondig 5 Fibberwarie is de finale van 't Kinjer Vastelaovend Leedjesfestival. ’t KVL is ’t Vastelaovesleidjes Konkour veur kenjer van de basissjoole. Bie de 11 finaliste zeen twee Zittesje sjoole: OBS De Sjtadssjool mit ‘Vastelaovend, dat is Kikke’ en BS de Hoefer mit ’t Marotte kénjerleidje ‘Oppe Tied’.
Geplaatsj: 02 Fibberwarie 2017
GOUNSDIG 8 FIBBERWARIE: SENIOREZITTING
Gounsdig 8 Fibberwarie is weier de jaorlikse Seniorezitting in de Zittesje Sjouwburg. Dees zitting wurt georganizeiert door De Marotte Zitterd in samewirking mit de Zonnebloem. De seniorezitting sjteit garant veur eine middig vol plezeier, dans en meziek van ein keur aan Zittesje en Limburgse artiste.
Geplaatsj: 31 Jannewarie 2017
RONDJLEIDINGE IN DE OPTOCHHAL
Ouch dit jaor verzörg ’t Optochkommitee weier rondjleidinge in de Optochhal veur sjole, vereiniginge en anger belangsjtellende om eine kiek te gaeve in ‘de keuke’ van de Vastelaovesoptoch bie ’t boewe van de groote vastelaoveswaages.
Geplaatsj: 30 Jannewarie 2017
MITCHELL CREMERS NUUT LID VAN DE MAROTTE
De Wieze Raod van Sjtadsvastelaovesvereiniging De Marotte Zitterd haet versjterking gekrege in de persoon van de bienao 25-jaorige Mitchell Cremers, gebaore in Gelaen. In ’t dagelikslaeve is Mitchell bedriefsleider bie Gasterie Dobbelsteyn in Dooner. Hae is pas geleeje getrouwt mit de 23-jaorige Lisa.
Geplaatsj: 27 Jannewarie 2017
VASTELAOVESSJLAAGESJ NOE OUCH DIGITAAL VERKRIEGBAAR VIA ITUNES
Stadscarnavalsvereniging De Marotte Zitterd brèngk al jaorelangk de Zittesje Vastelaovesmeziek oet op geluidsdragesj. Van de LP’s en cassettebendjes pés noe de CD’s. Vanaaf noe zeen de Marotte CD 2017 en de sjlaagesj van de aafgeloupe 11 jaor ouch digitaal verkriegbaar via iTunes Store en Apple Music.
Geplaatsj: 25 Jannewarie 2017
© WWW.VASTELAOVENDZITTERD.NL 2003-2017
© WWW.VASTELAOVENDZITTERD.NL 2003-2017
© WWW.VASTELAOVENDZITTERD.NL 2003-2017
Terug naar de inhoud | Terug naar het hoofdmenu