NUUTS EUVERZICH SEZOEN 2016-2017, PAGINA 2 - Vastelaovend in Zitterd 2018

Ga naar de inhoud

Hoofdmenu:

NUUTS > TAGS > nuuts_2017
SJOLIERE VASTELAOVEND
De vriedig veur de Vastelaovend (24 Fibberwarie) sjtruimp de Mert weier vol mit doezende sjoliere oet Zitterd en omgaeving om de vastelaovend in te loewe. Veur de sjoliere wurt ein bontj pregram geprizzenteiert mit oa DJ Jeroen Laven, coverformasie Noizz, Wir Sind Spitze, SieFoe en de twee-voudig LVK-wennesj Spik & Span.
Geplaatsj: 22 Fibberwarie 2017
‘T KANON VAN ‘T BALKON ÄÖPENT DE ZITTESJE VASTELAOVEND
Op Vastelaoveszaoterdig wurt de Zittesje Vastelaovend geäöpent mit ’t Kanon van ’t Balkon. Tössje 16.33 en 00.33 oer prizzenteiert Sjtadskapel ’t Trumke en ’t Tröötje ein pregram mit optraejes van oa Zittesje Zengesj, Trööt in de Gööt, Don Kiesjot, De Geliënde, Marleen Rutten, Katja, Fabrizio, W-Dreej en Beppie Kraft.
Geplaatsj: 21 Fibberwarie 2017
DE NACH VAN ’T AUWT WIEF
De Donderdig veur de Vastelaovend is tradisjoneel de daag van de Auw Wiever. Dees sjlachtende maskes zeen saoves weier in en rondj de zittesje kaffees te venje. Op en rondj de Mert organezeiert de Neit Prinse weier de nach van ‘t Zittesj Auwt Wief. Zie ontvange de Auw Wiever mit de neudige hilariteit, ‘sjaele zeiver’ en Zittesje Laammaekerie.
Geplaatsj: 21 Fibberwarie 2017
OETSJLAAG KÈNJEROPTOCH
De zjurie haet nao aafloup van de Kènjeroptoch de prieze bekend gemaak. De Ere Wimpel ging bie de groote groppe nao BS Loedoes mit 't Emoticon virus. Bie de klein groppe ging de Ere Wimpel nao Toon Thuis wegens succes verlengd en bie de enkelinge/köppelkes nao Optoch loupe, de kènjer zeen ‘t neit zitte. De Pries veur 't sjoonste kèrke ging nao de grop Wae oh Wae.
Geplaatsj: 20 Fibberwarie 2017
VASTELAOVESKONZÈRS VAN DE MAROTTEKAPEL
Nao ‘t muzikaal oploestere van de Marotte zittinge organizeiert de Marottekapel mit de Vastelaovend weier häör tradisjoneel konzèrs. Op de donderdig veur de Vastelaovend is dat 't Auw Wieverkonzèr en op Vastelaovesmaondig 't tradisjoneel Laammaekesjkonzèr. De konzèrs zeen in kafee 't Duvelke aan de Helsjtraot.
Geplaatsj: 20 Fibberwarie 2017
DE KÈNJEROPTOCH TROK DOOR ZITTERD
Vanmiddig trok eine kleurrieke kènjeroptoch door de sjtraote van de Zittesje bènnesjtad. Grote groppe van sjole mit soms mee es 100 deilnummesj, mer ouch de humorvolle kleine groppe en enkelinge. De jeugde waageboewesj trokke greutsj mit hun eige gemaakte 'kèrkes' door de sjtraote. Eine sjtraolende Sjtadsprins Bart II maakte ziene intoch in 't Marotteriek.
Geplaatsj: 19 Fibberwarie 2017
DE PAPPEGEY WEIER VOL MIT GEKKE TEUN!
‘Alleney Gekke Teun’ is dit Vastelaovessezoen ’t motto van De Marotte Zitterd. Ouch ’t kolderieke jaorblaad ‘de Pappegey’ sjteit d’r dit jaor weier vol mit. Teentalle pagina’s zeen gevult mit artikele, kolderieke gebeurtenisse en 'sjaele kal', wo-in Zitterd, häör bewonesj en de ‘sjoone Zittesje Vastelaovend’ centraal sjtaon.
Geplaatsj: 17 Fibberwarie 2017
DE KÈNJEROPTOCH TRÈK DOOR ZITTERD
Zondig 19 Fibberwarie trèk de KenjerOptoch door de sjtraote van Zitterd. De doezende luuj langs de kantj kènne geneite van grote groppe van sjole mit soms mee es honderd deilnummesj, mer ouch klein groppe van kenjer en humorvolle enkelinge. ‘T Letste gedeilte van de Kenjeroptoch is de intoch van Sjtadsprins Bart II.
Geplaatsj: 16 Fibberwarie 2017
ZAOTERDIG 18 FIBBERWARIE: FINALE SJPEKTAKEL
Tradisjoneel sjloete De Marotte de reeks zittinge aaf mit ’t Finale Sjpektakel op de zaoterdig veur de kènjeroptoch. Onger ’t genot van ein drenkske kent aan lang taofel en ‘sjehtisje’ genaote waere van ein gevarieiert programm mit jeugdige talente, väöl Zittesje illemente en Limburgse toppesj es W-Dreej en Don Kiesjot.
Geplaatsj: 15 Fibberwarie 2017
OPTOCHKOMMITEE ZUIK INFERMASE VAN DEILNUMMESJ AAN DE KÉNJEROPTOCH
Al is veuraaf aanmelje veur deilname aan de kènjeroptoch neit verplich, toch haet ’t Optochkommitee ’t verzuik aan de deilnummesj om zich veuraaf aan te melje. Op dees menneier höbbe zie al de neudige infermase veur de versjlaaggaevesj.
Geplaatsj: 14 Fibberwarie 2017
BASISSJOOL AAN DE MEULE IS ‘OPPE TIED’
In November waar de suksesvolle Zittesje revuu ‘Oppe Tied’. De neuge veursjtellinge zörgde neit allein veur oetverkochtezale, mer zörgde taeves veur väöl insperase bie de deilnummesj aan de Optochte. Ein van de deilnummesj aan de kènjeroptoch die zich leite inspereiere door 'Oppe tied' is basissjool Aan de Meule.
Geplaatsj: 14 Fibberwarie 2017
KENJERZITTING OP GOUNSDIG 15 FIBBERWARIE
Op Gounsdig 15 Fibberwarie is de jaorlikse Vastelaovesmiddig veur de jongste mechelkes en sjnaake. Vanaaf 13.33oer gaon de deure van Poppodium Volt äöpe veur De Marotte Kénjerzitting. ’t Pregram bomvol mit dans, humor, zénge en sjtrénge en sjpektakel sjtart om 14.00oer en doert pés ongeveer 17.00oer.
Geplaatsj: 12 Fibberwarie 2017
© WWW.VASTELAOVENDZITTERD.NL 2003-2017
© WWW.VASTELAOVENDZITTERD.NL 2003-2017
© WWW.VASTELAOVENDZITTERD.NL 2003-2017
Terug naar de inhoud | Terug naar het hoofdmenu