NUUTS EUVERZICH SEZOEN 2016-2017, PAGINA 1 - Vastelaovend in Zitterd 2017

Ga naar de inhoud

Hoofdmenu:

NUUTS > TAGS > nuuts_2017
FILM- EN NAOKAART AOVEND IN DE OPTOCHHAL
Op zaoterdig 18 Meert organizeiert ’t Optoch Kommitee de film en naokaart aovend. Deze aovend vèngk plaatsj in de Optochhal en is gratis toegankelik. Bewus is gekaoze veur eine datum kort nao de Vastelaovend zodat de filmaovend taeves ein sjoon moment is om nog èns same trök te kieke op de Vastelaovend.
Geplaatsj: 14 Meert 2017
'T IS VEURBIEJ.... 'T IS GEDAON....
't Is Veurbiej... 't Is Gedaon, mer wat waar 't weier sjoon. Bie 't kanon van 't Balkon op zaoterdig ein record drukte en al veur 19.00oer de Mert vol. Op zondig trok eine sjitterende Optoch door de sjtraote. Ein verraegent Tröötekonkour. Op Daensdig vloge de appelesiene in 't rondj en om middernach ging 't Maske in de grondj. 't waere 'ALLENEY GEKKE TEUN', Pès volgendjaor...
Vastelaovend 2018 op 11-12-13 Fibberwarie!!
Geplaatsj: 1 Meert 2017
FOTOALBUM GROOTE VASTELAOVESOPTOCH
Aafgeloupe zondig trok de Groote Vastelaovesoptoch door de Zittesje sjtraote. Eine sjitterende en kleurrieke optoch trok aan de doezende luuj langs de kantje veurbie mit groote waages vol bewaeging, groppe, kolderiek groppe en enkelinge vol aktualiteit. Sjtadsprins Bart II sjloot de Optoch aaf en sjmeet doezende appelesiene oet.  [FOTO'S]
Geplaatsj: 28 Fibberwarie 2017
MASKE BEGRAVE
Daensdigaovend om middernach kump weier ein enj aan de Vastelaovend 2017. Es teike dat de Vastelaovend veurbie is wurt 't Maske begrave. De Carnavaleske rouwsjtoet vertrek om 23.11oer vanaaf de Mert nao de kogelvenger in de Kolleberg, om middernach 't Maske wurt begrave.
Geplaatsj: 28 Fibberwarie 2017
OETSJLAAG GROOTE VASTELAOVESOPTOCH
Nao aafloup van de Optoch zeen de Prieze oetreik. De Ere Prieze ginge nao buurt Sjteivig (Groote Waages), Sjnaake (Midde Waages), Ummer Naat (Groote Groppe), Veer doon 't gaer (Midde Groppe), 't Mert Volk (Klein Groppe), Marie-José en Philline (Köppelkes) en Frank Braam (Enkelinge)
Geplaatsj: 27 Fibberwarie 2017
PRIMEUR: PRINSE 'GROOT ZITTERD' ÄÖPENE DE OPTOCH
Dit jaor haet de Groote Zittesje Vastelaovesoptoch eine primeur! In ’t verleje waar ’t ein gebroek dat allein de Sjtadsprins ‘in vol ornaat’ mit trok in de Groote optoch. Dit jaor äöpene de Prinse van Vastelaovesvereiniginge oet ‘Groot-Zitterd’ de Groote Optoch vanaaf de äöpeningswaage.
Geplaatsj: 24 Fibberwarie 2017
VASTELAOVESDAENDIG: APPELESIENESJMIETE
Vastelaovesdaendig is ’t weier tied veur ein van de auwste Zittesje tradisies ’t Appelesienesjmiete. Verkleide maskes es ‘hoeraes’ trekke door de sjtraote om appelsiene te sjmiete nao de kenjer. in kaffee Dwaesj op de Sjtaasedwaesjsjtraot is ein muzikale Vastelaovesmiddig mit artieste.
Geplaatsj: 24 Fibberwarie 2017
VASTELAOVESMAONDIG TRÖÖTEKONKOUR
Vastelaovesmaondig, 27 Fibberwarie, is tradisjoneel de daag van de Zittesje kapelle en zaate Hermeniekes. De kapelle trekke door de bènnesjtad en sjpele op podiums op de Mert, bie de Sjtadspomp oppe Lömmerichersjtraot (bie kafee de Kup) en op ’t Kirkplien bie kafee ’t Sjterfhoes.
Geplaatsj: 24 Fibberwarie 2017
GROOTE ZITTESJE VASTELAOVESOPTOCH
Op Vastelaoveszondig 26 Fibberwarie trek de Groote Vastelaoves Optoch door de sjtraote van de Zittesje bènnesjtad. De doezende luuj langs de kantj kenne geneite van de veur Zitterd bekende Groote Waages, groppe, humorvolle einzelgänger, hermenieje en nog väöl mee. Nao aafloup is op de Mert meziek van eine DJ en waere rondj 18.00oer de Pries bekend gemaak.
Geplaatsj: 23 Fibberwarie 2017
GROOTE VASTELAOVESOPTOCH OP SJTART TV
De Groote Zittesje Vastelaovesoptoch zal dit jaor door Sjtreekomroup Sjtart op TV waere oetgezonje. Oetzendtieje: Vastelaoveszondig vanaaf 15.00oer LAIF, Vastelaovesmaondig om 18.00oer en Gounsdig 1 Meert om 17.00oer. Op Vriedig 24 Fibberwarie wurt om 18.00oer de Kènjeroptoch oetgezonje.
Geplaatsj: 22 Fibberwarie 2017
© WWW.VASTELAOVENDZITTERD.NL 2003-2017
© WWW.VASTELAOVENDZITTERD.NL 2003-2017
© WWW.VASTELAOVENDZITTERD.NL 2003-2017
Terug naar de inhoud | Terug naar het hoofdmenu