DE PAPPEGEY WEIER VOL MIT GEKKE TEUN! - Vastelaovend in Zitterd 2018

Ga naar de inhoud

Hoofdmenu:

DE PAPPEGEY WEIER VOL MIT GEKKE TEUN!
Geplaatsj: 17 Fibberwarie 2017

Sjtadsprins Bart II lees same mit zien vrundjin Susanne 'ziene' Pappegey (foto: Arjan Krijntjes)

‘Alleney Gekke Teun’ is dit Vastelaovessezoen ’t motto van Sjtadsvastelaovesvereiniging De Marotte Zitterd. Ouch ’t kolderieke jaorblaad ‘de Pappegey’ sjteit d’r dit jaor weier vol mit. Teentalle pagina’s zeen gevult mit artikele, kolderieke gebeurtenisse en kleurrieke anekdotes wo in Zitterd, häör bewonesj en de ‘sjoone Zittesje Vastelaovend’ centraal sjtaon.

Tradisjoneel versjient op zaoterdig veur de Kènjeroptoch de nuuj edisie van De Pappegey, dae dit jaor veur de 136e maol wurt oetgebrach. Saer 2014 wurt de Pappegey oetgebrach es ein kwalitatief glossy magazine, dat naeve humor en ‘sjaele kal’ ouch serieuze achtergrondj artikele bevat euver onger angere Sjtadsprins Bart II.

De redaksie maak volges gebroek de inhoud neit bekent, mer zie höbbe waal al ein tipke van de sjpraekwoordelikke sjluier gelich. Zo vertelt de vrunjegrop van Sjtadsprins Bart II van alles euver häöm wat veer nog niet weite en haet Basissjool Gustav Hoefer ein uniek vraoggesjprek gehad mit de hoogheid. Ouch wurt trök gekeke op ex-Sjtadsprins Sander I euver wie hae en zien femieje aafgeloupe jaor de Vastelaovend in Zitterd höbbe belaef. Daonaeve komme ouch jubbeleiierende vereiniginge aan bod, zo es de Auw Prinse die dit jaor 5x11 jaor besjtaon. Wiejer onger angere ’t recep wie de lekkesjte Nonnevotte kenne waere gebakke en zo es ’t bekende gezegde zaet ‘nog mee en nog mee en nog väöl mee…’!

’t Eesjte exemplaar van de Pappgey is in besjlaote krengk oetgereik aan Sjtadsprins Bart II. Vanaaf 18 Fibberwarie is ’t jaorblaad weier vbeur jeederein verkriegbaar. ’t Ludieke blaad is, dankzij de väöle sjponsore, GRATIS verkriegbaar op versjellende plaatsje in de sjtad. Naeve de papiere versie is ouch eine gesjpraoke versie van de Pappegey. Dees is bedoelt veur, blinje, sjlechzeende en luuj die muijte höbbe mit ’t laeze van (dialek) tekste.
 
De Pappagey is verkriegbaar op de volgende plaatsje:
  • Marottewinkel (damesmode Van Neer Eyckeler, Brandjsjtraot)
  • Boukhanjer Krings (Brandjsjtraot)
  • Sigaremagazien Augustus van Neer (houk Mert – Lömmerichersjtraot)
  • Beursgens Carwash (Riekswaeg Noord)
  • Bruna Sittard (Gruuzesjtraot)
  • Hendriks Carnaval (Riekswaeg Noord)
  • ’t kallebeske (Sjteivig)
  • AS Lunchies (Walsjtraot)
  • VVV Sittard (Rosmeulesjtraot)
  • Eveline Mode (Dempseysjtraot Lömmericherveldj)
  • Gijsen Optiek (Tempelplien)
  • Shell Dr. Nolenslaan (Dr. Nolenslaan)
  • Jumbo Sittard (Romeinenstraat)
  • Shell Leyebrouk (Leyebroukerwaeg)
  • Albert Heijn (Brögksjtraot)
  • Honings Roubrouks (Heisjtraot)
  • PLUS Boudy Postma (De Samaritaan)

© WWW.VASTELAOVENDZITTERD.NL 2003-2017
© WWW.VASTELAOVENDZITTERD.NL 2003-2017
© WWW.VASTELAOVENDZITTERD.NL 2003-2017
Terug naar de inhoud | Terug naar het hoofdmenu