AANMELJE VEUR DEILNAME AAN DE OPTOCH EN DEILNUMMESJ VERGADERING - Vastelaovend in Zitterd 2018

Ga naar de inhoud

Hoofdmenu:

DIGITAAL AANMELJE VEUR DEILNAME AAN DE OPTOCHTE
Geplaatsj: 19 Jannewarie 2017

Jeederein dae wilt mittrekke in de Groote Optoch mot zich veur deilname aanmelje bie ’t Optochkommitee. Veur ’t insjrieve haet ’t Optoch Kommitee dit jaor ein nuut insjriefsysteem ingebroek genomme dat volledig digitaal is. Taeves zeen d’r ein aantal verangeringe, zo is insjrieve veur deilname aan de groote optoch noe muigelik pés de gounsdig veur Vastelaovend. Veur de zjurie en versjlaaggaevesj zeen d’r versjellende opties en lieste ingeboewt en pregrambuikskes en oetsjlage kenne sjneller en digitaal waere gepubliceiert.
Aanmelje veur deilname kent op de websait van ’t Optoch Kommitee via http://optoch.nl/aanmelden

Veur ’t gebroek deint men zich eesj in te sjrieve es kontakpersoon, vervolges is ’t muigelik om ein of
meerdere deilnummesj aan te melje.
Dit aanmelje geit in drie sjtappe: (1) gegaeves invulle, (2) idee en omsjrieving en (3) bevestige / verzende. In sommige gevalle kent ’t veurkomme dat uch later nog om mee oetlegk wurt gevraog.
Door ’t nuut aanmeldsysteem is ’t muigelik om pés de sjloetingsdatum de tekste en ’t idee aan te passe.
Nuuj is ouch dat vanaaf dit jaor ein historie wurt opgeboewd zodat geer later nog kent trök kieke op eur kreasies van de veurige jaore.

Wiejer verangert niks wat betref deilname aan de optochte. Aanmelje veur deilname aan de groote optoch blif verplich, zonger aanmeljing kent geer neit deilnumme! Aanmelje veur deilname kent pes gounsdig 22 Fibberwarie 17.00oer. Op vriedigaovend veur de Groote Optoch is wie gebroekelik ’t nömmeraafhaole bie kaffe Schtad Zitterd.

Ouch veur deilname aan de Kénjeroptoch is ’t muigelik om uch via ’t aanmeldsysteem in te sjreive. Aanmelje veur de deilname aan de Kénjeroptoch is NEIT verplich, mer wurt waal op pries gesjteld. Op dees manneier haet 't Optoch Kommitee alvas de neudige infermase veur de versjlaaggaevesj van L1, die de Kénjeroptoch ouch dit jaort weier op TV oetzende.
Veur vraoge kent geer altied meele (roy@optoch.nl) of belle mit Roy Moerskofski van ’t Optoch Kommitee.


OPTOCHDEILNUMMESJ VERGADERING
Jaorlik organezeiert ’t Optoch Kommitee Zitterd ein vergadering veur alle deilnummesj aan de Zittesje Optochte. Dees vergadering is op vriedig 20 Jannewarie e.k. om 20.00 oer ‘Op de Sjans’ in de Zittesje Optochhal.

’t Optoch Kommitee wilt mit dees vergadering de deilnummesj infermeiere euver zake die aafgeloupe jaor nao aafloup van de Optochte zeen ingebrach en wo-aan de aafgeloupe maonje is gewirk. Ongerwerpe die aanbod komme zeen beveurbeeld de ‘läöker’ in de Optochte, d’n Opsjtart, veiligheid, ’t priesbeleid, de regelemente, ’t nuut projek Kèrkes, ongerhoud optochhal en nog mee, en nog mee en nog väöl mee.

’t Optoch Kommitee neudig dan ouch alle deilnummesj en potensjeel deilnummesj oet veur dees vergadering.

Bron: Optoch Kommitee Zitterd
Foto's: RBZitterd

© WWW.VASTELAOVENDZITTERD.NL 2003-2017
© WWW.VASTELAOVENDZITTERD.NL 2003-2017
© WWW.VASTELAOVENDZITTERD.NL 2003-2017
Terug naar de inhoud | Terug naar het hoofdmenu