RIDDER IN DE ORDE VAN DE PAPPEGEY - Vastelaovend in Zitterd 2018

Ga naar de inhoud

Hoofdmenu:

RIDDER IN DE ORDE V/D PAPPEGEY: SJEF SCHURGERS  
Geplaatsj: 08 Jannewarie 2017

Op de Oetruipingsaovend Cirque du Teun is Sjef Schurgers door de Marotte benuimp pes Ridder in de Orde van de Pappegey. Dees ongersjeiding wurt jaorliks toegekent aan eine persoon dae väöl veur de Zittesje Cultuur beteikent en de Vastelaovend in ’t bezunjer.

Sjef haet ein grote passie veur Vastelaovend en toneel. Sjef is zenger van de bekende kapel Mit de Trööt in de Gööt en lid van Niet Prinse die onger mee op de donderdag veur Vastelaovend de Nach van ’t Auwt Wief prizzenteiere. Sjef trek al jaore langk mit in de Groote optoch, eesj es waageboewer bie de buurt Engelekampsjtraot en de letste jaore mit de grop ‘Veer doon ’t Gaer’, wo hae al meinig (Eere) Pries mit haet gewonne. Same mit Auwt Prins Cyrille Niël vormp Sjef ‘t ‘vrouwelikke’ duo Sjnebbel en Bebbel. Bie de insjtelasezitting sjpeelt Sjef reigelmaotig ein rol bie ’t opbrenge van de nuuje Stadsprins of es mede sjriever van ’t sjtök.
Wiejer is Sjef lid van ’t Sint Rosa kommitee, zenger bie Sjmartlappe orkes de Sjaamsjotte en nog mee en nog väöl mee..

Sjef haet net es zien vrouw Nicole ein grote passie veur toneel. Sjef is ein van de kartrekkesj bie de Zittesje Revuu. Bie de Revuu is Sjef besjtuurslid, sjriever van de letste revuus en ein van de hoofrol sjpelesj. Naeve de Zittesje Revuu is Sjef lid van ’t Limburgs Toneel Zitterd en ’t Streektheater oet Parkstad. Bie allebei sjpeelt hae reigelmaotig mit in produksies.

In ’t dagelikslaeve is Sjef wirkzaam bie de Gemeinte Zitterd-Gelaen. Sjef is vanoet zien wirk de drievende krach achter de suksesvolle Zittesje Oktoberfeeste en nauw betrokke bie de expositie ‘Toon Thuis’.

Veur Sjef is Toon Hermans ein grote bron van inspirase, extra bezunjer is dan ouch dat hae geridderd wurt in Cirque du Toon, in ’t jaor dat Toon Hermans 100jaor zou zeen gewore.
Foto's: RBZitterd (1) en Ton Dirkx (2)
Video: RBZitterd


© WWW.VASTELAOVENDZITTERD.NL 2003-2017
© WWW.VASTELAOVENDZITTERD.NL 2003-2017
© WWW.VASTELAOVENDZITTERD.NL 2003-2017
Terug naar de inhoud | Terug naar het hoofdmenu