KENJEROPTOCH - Vastelaovend in Zitterd 2017

Ga naar de inhoud

Hoofdmenu:

OPTOCHTE
KÈNJEROPTOCH, 19 FIBBERWARIE 2017
Geplaatsj: 16 Fibberwarie 2016
Zondig 19 Fibberwarie, de waek veur de Vastelaovend, trèk es opwermer veur de Vastelaovend de KenjerOptoch door de sjtraote van Zitterd. De doezende luuj langs de kantj kènne geneite van grote groppe van sjole mit soms mee es honderd deilnummesj, mer ouch klein groppe van kenjer en humorvolle enkelinge. De neudige hermenieje en zaate hermeniekes zörge veur de muzikaal Vastelaovesklanke. ‘T Letste gedeilte van de Kenjeroptoch is taeves de offisjeel intoch van Sjtadsprins Bart II, hae wurt daobie veuraaf gegange door de Auw Prinse, de Prinsegarde en de Marotte.

De KenjerOptoch vertrek om 13.33 oet vanaaf ‘t 'Maaslandpark’ (Auwt Ziekehoes) en trek dan door de bennesjtad van Zitterd pes oppe Mert. Nao aafloup van de KenjerOptoch zal Sjtadsprins Bart II bie de tradisjonele appelsieneraege vanaaf ‘t podium honderde appelesiene sjmiete nao de mechelkes en sjnaake en reik hae de Ere Wimpels van de KenjerOptoch oet.
Nao aafloup van de Kenjeroptoch zeen d’r taeves ein aantal optraejes van Zittesje sjole.

Deilname:
Veuraaf aanmelje veur deilname aan de Kènjeroptoch is neit neudig, zodat de kenjer nog pès ’t letste moment kenne besjlisse om mit te trekke in de Kenjeroptoch.
Al is veuraaf insjrieve veur deilname neit verplich, toch haet ’t Optochkommitee ’t verzuik aan de deilnummesj om zich veuraaf aan te melje. Op dees menneier höbbe zie al de neudige infermase euver de deilnummesj. Dit in verbandj mit ’t veurbereide van ein euverzich van de deilnummesj veur de versjlaaggaevesj van de TV oetzendige van L1 en Sjtreekomroup Sjtart die de Kènjeroptoch op TV oetzende.

Aanmelje kent via 't digitaal aanmeldjsysteem op de websait van’t Optochkommitee via http://www.optoch.nl/aanmelden. Vul hiej eur gegaeves, grote van de grop, motto en wat wurt oetgebeeld in. Geer kent ouch kontak opnumme mit Roy Moerskofski van ’t Optoch Kommitte viae roy@optoch.nl

Jeederein dae mit wilt trekke in de KenjerOptoch mot zich tössje 12.33 en 13.11 oer verzamele bie d’n Opsjtart op ‘t Maaslandpark (Auwt Ziekehoes) wo alle kenjer die mittrekke in de KenjerOptoch es aandenke ein kenjer medaaje kriege. Hie krig auch jeedere gròp ein nommer en te heure welke plaatsj ze in de optoch kriege. Taeves krig de zjurie hiej al ein eesje indruk van de groppe die in de KenjerOptoch mittrekke.
Kenjeroptoch op L1 TV:
De Zittesje Kenjeroptoch zal dit jaor door L1 en Sjtreekomroup Sjtart op TV waere oetgezonje.
L1 zal de kènjeroptoch laif op TV oetzende vanaaf 14.15oer mit kommentaar van twee jong Zittesje jonges, Tom Jessen (L1) en auwt Sjtadsprins Arno-Laurent Dieteren.

Roete van de KenjerOptoch: (vertrek 13.33oer)
Riekswaeg Noord, Walramsjtraot, Euverhaovenersjtraot, Sjteivig, Veursjtad, Brandsjtraot, Lömmerichersjtraot, Begienehaofsjtraot, Daeke Thijssesjtraot, Kloosterplien, Auw Mert, Lömmerichersjtraot, Misbrouksjtraot, Walsjtraot, Helsjtraot, Nuujsjtraot, Plaksjtraot, Putsjtraot, Mert (ontbènjing)
Bron: Optoch Kommitee Zitterd
Foto's: RBZitterd / Vastelaovend in Zitterd
© WWW.VASTELAOVENDZITTERD.NL 2003-2017
© WWW.VASTELAOVENDZITTERD.NL 2003-2017
© WWW.VASTELAOVENDZITTERD.NL 2003-2017
Terug naar de inhoud | Terug naar het hoofdmenu